Mattiu 5:22 - Tedim Bible

²² Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Tedim Bible Revision 2017

²² Ahi zongin keʼn note kiangah kong genin ah: A sanggampa tungah a heh mi in thukhenna thuak kha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai ah thusitna thuak thei dinga, a sanggampa kiangah, ‘Mihai,’ ci-in a simmawh mi in hell meikuang sungah khulna thuak thei ding hi.

Mattiu 5:22 Iomraidhean Croise

Piancilna 37:4

Ahih hangin a pa un a sanggamte khempeuh sangin amah a itzawkna a sanggamte in a muh uh ciangin, amaute in Josef mudah uh a, nuamtakin amah hopih thei lo uh hi.

Piancilna 37:8

A sanggamte in ama kiangah, “Kote’ tungah nang in hong uk ding a, kote’ tungah ukna aana nei ding na hi hiam?” a ci uh hi. Tua ahih ciangin amaute in a mangte le a thugente’ hangin amah mudah semsem uh hi.

2 SAMUEL NIHNA 16:7

Shimei in a samsiat kawmin, “Pai mang, pai mang, nang mi that pa, bangmah man lo mipa!

2 SAMUEL NIHNA 6:20

Tua ciangin a innkuante thupha a pia dingin David a ciah hi. Ahih hangin David a dawn dingin Saul’ tanu Mikhal hong paikhia a, “Tuni-in Israel kumpipa, mi mawkmawkte khat maizum loin a guak om bangin, a nasemte’ numeite’ muhna-ah tuni-in a tangguakin omin, amahmah bangci kipahtawi ahi hiam?” a ci hi.

1 KUMPI MASATE 21:4

Tua ciangin Jezreel khuami Naboth in ama tungah a thugenna hangin hehna le maikhinna tawh Ahab a inn-ah ciah hi; bang hang hiam cih leh amah in, “Ka pu ka pate’ gamh nang tungah kong pia kei ding hi,” ci hi. Amah a lupna tungah lumin a mai hei a, an ne lo hi.

2 KHANG TANGTHU NIHNATE 16:10

Tua ciangin thumu pa tungah Asa heh a, amah kol bulhin thong sungah a koih hi; bang hang hiam cih leh hih thu hangin ama tungah nakpitakin heh hi. Tua hun mahin Asa in mi pawlkhat zong gitlohna tawh a gimsak hi.

2 KHANG TANGTHU NIHNATE 19:5

Amah in gam sunga Judah khuapi kulhnei khempeuh a khuapi a khuapi-ah thukhen dingte seh a,

Nehemiah 5:8

“Minam dangte tungah sala kizuaksa i Jew mipihte ahizo zahzahin i tanhkik hi. Tua hinapi-in note in na mipihte uh na zuak uh a, tu-in amaute i tatkik ding hi zel hi,” ka ci hi. Amaute pau loin om uh a, a gen ding mel uh thei lo uh hi.

Late 109:3

Amaute in muhdah kamte pau-in kei hong gensia uh a, thu om lopi-in kei hong langpang uh hi.

Late 14:1

Mihaite in a lungsim sung uhah, “Pasian om lo hi,” ci-in ngaihsun uh hi. Amaute sia uh a, kihhuai gamtat uh a, a hoihin a gamta kuamah om lo hi.

Late 25:3

Nangmah a hong ngakte kuamah zahhuaisak kei in. Thukhual loin a zuau theite zahhuaisak in.

Late 35:19

A man lopi a ka gal a hite kei tungah lungdamsak kei inla, thu om lopi a kei hong mudahte, mitheek kipiasak kei in.

Late 37:8

Hehna panin kikham inla, sinsona nusia in. Nangmah kilungso tawmsak ke’n; tua in siatna bekah a hong paipih hi.

Late 49:10

Amah in a pilte nangawn a si mu ding a, a haite le a tei lote a kibangin sia-in, amau’ neihsa khempeuh midangte’ tungah nusiat uh hi.

Late 69:4

Thu om lopi-in kei a hong mudah mi, ka lu tunga samzangte sangin tamzaw uh hi. Kei a hong susia ding, zuauthu tawh a hong dote hat mahmah uh hi. Kei’ guk lohpi ke’n loh ding ka hi hiam?

Late 7:4

bangmah thu om lopi-in ka lawmte khemin, ka galte ka huh taak leh,

Late 92:6

Migilote, lopa bangin selkhia-in, siatna bawl khempeuh a pun’ mahmah hangun, a tawntungin siatna a thuak ding uh ahi hi. Ahih hangin Topa aw, nang pen a sangna-ah a omden na hihna thu, lungsimmawl mi in theithei lo a, lungsim tei lo mi in tel thei lo hi.

Paunak 14:16

Mipilte kidawmin siatna panin kihem a, mihaite in thu ngaihsun masa loin gamta pahpah hi.

Paunak 18:6

Mihaite in kitotna ding a pat ciangin hong sat un, ci-in a ngenngen ahi hi.

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khanlai-in a neihsa teng taan ding a, a tawpna-ah mihaipi a suak ding hi.

Kah la 3:52

“A thu om lopi-in ka galte in hong mudah uh a, vasa siah bangin thang a hong siah uh hi.

Daniel 3:13

Tua thu hangin kumpipa heh mahmah a, tua mi thumte ama mai-ah a kipaipihna ding thu a pia hi.

Daniel 3:19

Tua ciangin Kumpi Nebukhadnezzar pen Shadrak, Meshak, le Abednego-te tungah heh mahmah ahih manin a mai a san pempam hi. A sat ngeinazah sangin a zah sagihvei a sazaw mei phualpi a cih dingin a mite thu a pia hi.

Obadiah 1:10

Bang hang hiam cih leh na sanggampa Jakob bawlsia-in na thahna hangin maizumna in nang hong khuh ding a, na khantawnin na mangthang ding hi.

Obadiah 1:12

Na sanggamte uh a tuahsiat ni-in mu nuam dah hoh un. Judah mite a kisiat ni-in lungdamin nuam kei un. A kisiat ni-in lungdam kei un. A cihmawh ni-in nuihsan kei un.

Mattiu 10:17

Mi pawlkhatte in note hong manin zumah hong paipih ding uh a, amaute’ kikhopna inn sungah hong satgawp ding uh ahih manin hoihtakin kidawm un.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Mattiu 12:24

Ahi zongin Farisi mite in hih thu a zak uh ciangin, “Dawimangpa Beelzebul min tawh dawi a hawlkhia hi lel hi,” a ci uh hi.

Mattiu 17:5

Tua bangin a pau laitakun meiingo hong kaai vatin amaute hong khuh a, tua meii lak panin aw khat hong ging vatin, “Hih pa pen ka it, ka lung a kim mahmahna ka Tapa ahi hi. Ama thu na ngai un,” a hong ci hi.

Mattiu 18:21

Tua ciangin Peter in Jesuh va naih a, “Topa aw, ka sanggamte khatpeuh ka tungah hong khialh ciangin bangzah vei maisak ding ka hi hiam? Sagihvei dongtak maisak ding ka hi hiam?” ci-in a dot ciangin

Mattiu 18:35

“Tua mah bangin note in zong na lungsim uhah na sanggamte uh mawhna na maisaknop kei uhleh vantungah a om ka Pa in note tungah zong tua bangmahin a hong bawl ding ahi hi,” a ci hi.

Mattiu 23:15

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in mi khat bek nangawn na ngah zawh nading uh na hanciamna un leitung tuitung lumletin khual na zin uh a, na ngahsunte uh zong note zah nihin a siahuai, hell khuk tung ding mi na suah uh hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Mattiu 26:59

Siampi liante le uliante in Jesuh a thahtheih nadingun zuau teci a pang ding mi a zong uh hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Mattiu 5:34

Ahi zongin ke’n note kiangah kong genin-ah: Hih ding khat peuhpeuh na neih uh ciangin kiciamna na zang vet kei un. Kiciamna-in vantung na zang kei un - Pasian’ tokhom hi veve hi.

Mattiu 5:44

Ahi zongin ke’n note kiangah kong genin-ah: Na galte uh na it unla, no hong bawlsiate a dingin thu na ngetsak un.

Marka 14:55

Siampi liante a kipan uliante khempeuh in Jesuh a thahtheih nadingin thu zong uh a, ahi zongin bangmah mu lo uh hi.

Marka 15:1

A zingsang ciangin siampi liante in upate, Thukham hilh siate, le ulian dang khempeuh tawh thu kikupna khat nei uh a, Jesuh a henkhit uh ciangin paikhiatpihin Pilat tungah a ap uh hi.

Luka 12:5

Kuate kihta ding na hi uh hiam cih leh, mite in a thah khitsa mipa pen hell khuk sungah a khiathuah theilai Pasian na kihta un.

Luka 22:66

Khua a vak ciangin upate, siampi liante, le Thukham hilh siate hong kikhawm uh a, uliante mai-ah Jesuh hong kipaipih hi.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bangcih ding ihi hiam?

Johan 15:25

Amaute’ Thukham sungah, ‘Thu om lopi-in kei hong mudah uh hi,’ ci-in a kigelhna thu a tuntheih nadingin a hici mah ding ahi hi.

Johan 7:20

Tua ciangin mihonte in, “Dawivei hi teh! Kua in nang thah hong sawm ahi hiam?” a ci uh hi.

Johan 8:48

Tua ciangin Jew mihonte in, “Nang Samaria mi hi-in, dawivei hi teh, ka hong cih uh a man mah hi lo ahi hiam?” a cih uh ciangin

Sawltak 17:18

Epikuras thu ngaihsutzia le Stoik thu ngaihsutzia a um mite pawlkhat, Paul tawh thu kinial uh a, “Hih mi kipilsak thu mawk gengen pa in bang gennuam ahi hiam?” cihsan uh a, pawlkhat in, “Minam dangte’ pasian thu a gen tawh kibang hi,” a ci uh hi. Paul in Jesuh thu le a thawhkikna thu hilh ahih manin hih bangin a gen uh ahi hi.

Sawltak 22:30

Jew mite in bang hangin Paul mawhsak ahi uh hiam, ci-in teltakin galkap mangpa in theinuam ahih manin a zing ciangin Paul a khihsakna sikkhaute sutsak a, siampi liante le upate thu kikupna a nei dingin a samsak hi. Tua ciangin Paul paikhiatpihin uliante mai-ah a dingsak hi.

Sawltak 23:1

Paul in ulian kikhawmte limtakin enin, “Lawmte aw, tuni ciang dong ka nuntak sung tawntung, Pasian mai-ah kisuanna ka nei het kei hi,” a cih leh

Sawltak 24:20

Tua ahih kei leh zong, uliante mai-ah thusitna thuakin ka om laitakin ka mawhna bang mu uh ahi hiam, cih thu hih mite gensak in.

Sawltak 4:15

Tua ahih manin tua innsung panin amaute pusuaksak phot uh a, tua khit ciangin amaute thu kikumin,

Sawltak 5:21

Ama gen mah bangin sawltakte zong zingsang ciangin biakinn-ah pai-in thuhilh ding a kipan uh hi. Siampi lianpen pa le ama kikholhpihte in ulian kikhopna a cingtaak khat a omtheih nadingin Jew mi upa khempeuh a kikhop nadingun a sam uh hi. Tua khit ciangin thong panin sawltakte va kai-in uliante mai-ah a hong paipih nadingun palikte a sawl uh hi.

Sawltak 5:27

Tua ciangin uliante mai-ah sawltakte dingsak uh a, siampi lianpen pa in sawltakte kiangah thu genin,

Sawltak 6:12

Amaute in hih bangin zuauna tawh mihonte, upate, le Thukham hilh siate a holhthawh uh hi. Tua ahih manin amaute hong pai-in Stefen man uh a, uliante mai-ah a hong paipih uh hi.

Sawltak 6:15

Ulian kikhopna sunga a kihel mi khempeuh in Stefen en uh a, a maitang pen vantungmi maitang tawh kibang hi, ci-in a mu kim uh hi.

Sawltak 7:37

Hih Moses pen Israel mite tungah, ‘Pasian in kei hong sawl mah bangin, i mipihte sung mah panin note a’ ding kamsang khat hong sawl ding hi,’ a ci pa ahi hi.

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

1 KORIN MASA 6:10

a gutate, a huaihamte, zukhamte, mi gensiate, ahih kei leh mi’ na a sutte khat beek, Pasian’ Ukna sungah lutthei het lo ding hi.

1 KORIN MASA 6:6

Tua hinapi, khatlekhat thu kineihin zum na kitun uh a, lawki thukhente na khensak tazen uh hi.

Thu-hilhkikna 15:11

Bang hang hiam cih leh leitang tungah mizawng bei ngei lo ding hi. Tua ahih ciangin, ‘Gam sungah a om na sanggampa, na a kisam mite le mizawngte tungah na cingh mahmah ding uh hi,’ ci-in thu kong pia hi.

Thu-hilhkikna 16:18

“Na minam uh tawh kizui-in Topa na Pasian un note hong piakna khuate-ah thukhente le uliante na koih ding uh a, amaute in a manin mite tungah thu khen ding uh hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

Titu 3:2

kuamah gensia loin, mite tawh kilemin kikhawl thei-in, lungsim nemin, mi khempeuh tungah a dik nading uh na gen in.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Hebru 5:9

Tua bangin a cingtaak mi a suahkhit ciangin ama thu a mang mite khempeuh a dingin tawntung hotkhiatna a kipatna hong suak a,

Jeim 2:20

Lawmte aw, gamtatna in a zui lo upna pen a hawmpi ahihna thu ka hong lak ding hi.

Jeim 3:6

Leii pen mei tawh kibang hi. I pumpi na sung panin a neuno khat hinapi-in i pumpi buppi a sia suahthei a, hell khuk sung panin a hong piang mei tawh i nuntakna buppi hong kangtumsak thei hi.

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawnggawp lo a, a manin thu a khen Pasian muanin a na nei hi.

1 PETER MASA 3:9

Hong bawlsiate siatna tawh thukkik loin hong samsia mite samsia kik kei unla, Pasian in note a hong sap lai-in thupha a hong piak dingin hong ciamsa ahih manin, hong siat bawlte thupha tawh na thukzaw un.

1 JOHAN MASA 2:9

Mi khatpeuh in khuavak gamtatna ka gamta hi, ci napi-in a Khristian mipihte a muhdah leh khuamial gamtatna mah a gamta lai ahi hi.

1 JOHAN MASA 3:10

Hih pen Pasian tate le Dawimangpa’ tate a kilamdanna ahi hi. A manin gamta loin, a Khristian mipihte a it lo mi peuhmah, Pasian’ tate hi lo uh hi.

1 JOHAN MASA 5:16

Mi khatpeuh in a Khristian mipihte a sih nading zah ciang ahi lo mawhna a gamta a muh leh ama a dingin thu ngetsak tahen. Ama thungetna bangin Pasian in a nuntakna suksak lo ding hi. Hih pen sihna zah ciang mawhna a hilote ka cihna ahi hi. Ahi zongin sih nading zah ciang ahi mawhna om a, tuate a’ ding ngetsak un, a ci ka hi kei hi.

Juda 1:9

Vantung milian pa Mikhael nangawn tua bangin gamta ngam lo hi. Moses’ luanghawm kituhin Dawimangpa tawh a kitot laitakin Mikhael in Dawimangpa zahkona kammal zang ngam loin, “Topa in nang hong taii ta hen,” ci bek hi.

Mangmuhna 20:14

Tua ciangin Sihna le Misite’ Gam, meiphualpi sungah a kilawn hi. Hih meiphualpi pen sihna nihna ahi hi.