Mattiu 5:19 - Tedim Bible

¹⁹ Tua ahih manin hih thukhamte lakpan a neupente khat bek nangawn zuikha loin, midangte in zong a zuih loh nadingin a gen mite pen vantung ki-ukna sungah mi neupen hi ding uh hi. Ahi zongin hih thukhamte zui-in, midangte in zong a zuih nadingin a hilh mite pen vantung ki-ukna sungah milian hi ding uh hi.

Tedim Bible Revision 2017

¹⁹ Tua ahih manin hih thukhamte lak pan a neu pente khat bek nangawn zui kha loin, midangte in zong a zuih loh nadingin a gen mite pen vantung ki-ukna sungah mi neu pen hi ding uh hi. Ahi zongin hih thukhamte zui-in, midangte in zong a zuih nadingin a hilh mite pen vantung ki-ukna sungah mi lian hi ding uh hi.

Mattiu 5:19 Iomraidhean Croise

Late 119:128

Tua ahih ciangin na thuhilhnate khempeuh tawh a kituakin kei ka gamta a, a man lo lampi khempeuh ka mudah hi.

Late 119:6

Na thupiakte khempeuh mitsuanin nei ka hih manin, kei ka maizum kei ding hi.

Daniel 12:3

A pilte ahih uhleh vantung khuavak tawh a taangkhawm ding uh hi. A pha-in gamtat ding mi tampi a hilhte pen aksi bangin a taang tawntung ding uh hi.

Mattiu 11:11

Leitung mi khempeuh sung pan Tuiphumpa Johan a lianpen ahi hi. Ahi zongin vantung ki-ukna sungah a neupen i cihte nangawn Johan sangin lianzaw lai hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 20:26

Ahi zongin note lakah tua bang hi lo ding hi. Note lakah a lian ahi dingte note’ nasem hi ding a,

Mattiu 28:20

Tua ciangin note tungah ka hong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Luka 1:15

Topa’ muhna-ah amah milian khat hi ding hi. Amah in leenggahzu ahi a, khamtheihzu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Luka 11:42

“No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na donkha kei uh hi. Hihte khempeuh na hihkim ding uh hi a, paihkhiat na neih ding uh hi lo hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neupen pa a lianpen pa ahi hi,” a ci hi.

Sawltak 1:1

Lawm Theofilas aw, Lai ka hong gelh masakna sungah Jesuh in nasep a kipat tung a kipanin vantungah amah a kilaktoh hun ciang dong, a thuhilhna le a septe khempeuh cingtakin ka gelh hi. Ama sawltak dingin a teelsa mite, Kha Siangtho tungtawnin thu a vaikhak khit ciangin vantungah amah kilato hi.

ROM (Romans) 3:8

Thupha a pian nadingin gamtat sia gamta ni, ci ding ihi hiam? Mi pawlkhatte in tu-a bang teek mahin gen hi, ci-in hong mawhsak uh a, ka heh theihtheih nadingin kam a pau se uh hi. Tua bang mite in amau thuak dingin a kilawm gimna a thuak ding uh hi.

ROM (Romans) 6:1

Tua ahihleh Pasian’ hehpihna a liattheih nadingin mawhna bawlbawl ding ihi hiam?

ROM (Romans) 6:15

Eite pen thukham’ uk hi loin Pasian’ hehpihna in hong uk ahih manin mawhna i gamta kei ding hi.

Thu-hilhkikna 12:32

“Note kong thupiak khempeuh na hih ding uh na lim ngaihsut ding uh hi. Na behlap kei ding uh a, zong na khiam kei ding uh hi.

Thu-hilhkikna 27:26

“‘Hih thute zuihna tawh hih thu a kipsak lo mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

1 TIMOTI MASA 6:11

Ahi zongin Pasian’ mi ahi nangmah in tua thute khempeuh pelh inla, thuman thutak, Pasian’ deih bangin nuntakna, upna, itna, kipna, le lungnemna na neihzawh nadingin hanciam in.

Titu 3:8

Hih ka thugente a man mahmah ahi hi. Tua ahih manin Pasian’ thu a um mite in gamtat hoih a neihtheihna dingun hih ka hong thugente na lim ngaihsut ding ka deih hi. Ka hong thugente a hoih hi a, mite a dingin a manpha vive ahi hi.

1 PETER MASA 5:4

Tuucing pipa hong pai ciangin a mual ngei lo minthanna lukhu a hong pia ding hi.

1 JOHAN MASA 3:4

Mawhna i cih pen thukham palsatna ahih manin a mawh mi khempeuh thukham palsat ahi uh hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei-pasal paktatna gamta-in milim biakna ante a ne uh hi.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.