Mattiu 5:17 - Tedim Bible

¹⁷ “Moses Thukham le kamsangte’ thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, amaute’ hilhna a kicingsak dingin a hong pai ka hizaw hi.

Tedim Bible Revision 2017

¹⁷ “Moses Thukham le kamsangteʼ thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, amauteʼ hilhna a kicingsak dingin a hong pai ka hizaw hi.

Mattiu 5:17 Iomraidhean Croise

Isaiah 42:21

Topa pen a honkhia nuam mahmah Pasian hi a, ama thuhilhnate limtakin a kizuih ding a deih hi.

Mattiu 3:15

Ahi zongin Jesuh in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Mattiu 7:12

Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangte’ thuhilhnate pen hih mah a deihna ahi hi.

Luka 16:17

Ahi zongin Thukham a neupen themno khat nangawn a maiman’ ding sangin van le lei a manthan ding olzaw lai hi.

Johan 8:5

Hih bang mite pen suang tawh denlup dingin i Thukham sungah Moses in na gen hi. Tu-in nangmah in bangci ngaihsut na hi hiam?” ci-in a dong uh hi.

Sawltak 18:13

Amaute in, “Hih mipa in ngeina om lopi-in mite in Pasian a biak nadingin zol ding hanciam hi,” a ci uh hi.

Sawltak 21:28

“Israel mite aw, hong huh un. Mun khempeuhah thu hilh kawikawi-in, Moses Thukham, le hih biakinn langpangin mi khempeuh kiangah Israel mite a hong gensia pa ahi hi. Tu-in Gentail mite nangawn biakinn sungah hong paipihin hih biakinn siangtho a ninsak hi,” ci-in a awng uh hi.

Sawltak 6:13

Tua ciangin zuauthu a gen dingin mi pawlkhat hong paipih uh a, “Hih mipa in a siangtho i biakinnpi le Moses Thukham gensia tawntung hi.

ROM (Romans) 10:4

Bang hang hiam cih leh upna a nei mi khempeuh Pasian tawh a kipawl theih nadingin Khrih in Thukham a beisak hi.

ROM (Romans) 3:31

Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.

ROM (Romans) 8:4

Eite’ deihna bangin nungta loin Pasian’ Kha Siangtho’ deihna bangin a nungta eite sungah Thukham’ deihna teng a kicin theih nadingin Pasian in a Tapa a hong sawl ahi hi.