Mattiu 5:1 - Tedim Bible

¹ Jesuh in tua bangin mihon tampi tak a muh ciangin mualtung lamah kahto-in tusuk a, a nungzuite zong ama nai-ah hong tu uh hi.

Tedim Bible Revision 2017

¹ Jesu in tua bangin mihon tampi tak a muh ciangin mual tung lamah kah to-in tu suk a, a nungzuite zong ama nai ah hong tu uh hi.

Mattiu 5:1 Iomraidhean Croise

Mattiu 13:2

Ama kiimah a hong kikhawm mi tamlua ahih manin amah gunkuang tungah pai-in tu a, mihonte ahihleh tuili gei-ah a omsak hi.

Mattiu 15:29

Tua lai panin Jesuh paikhia-in Galilee Tuili kiimah a pai hi. Mualtung lamah kahto-in a tu hi.

Mattiu 4:25

Galilee gam, Khuapi Sawmte gam, Jerusalem khua, Judea gam le Jordan Gun galkhat gam panin mi tampi tak in Jesuh a zui uh hi.

Mattiu 5:2

Tua ciangin a kam ka-in amaute tungah thu hilh ding kipan a,

Marka 3:13

Tua lai panin a mualtung lamah Jesuh paito a, mi a deihteng ama kiangah a sam hi. Tua a sap mite ama kiangah hong pai uh a,

Marka 3:20

ama kiangah mihonpi hong kikhawmkik zel ahih manin Jesuh le a nungzuite in an nangawn ne thei lo uh hi.

Marka 4:1

Jesuh in Galilee Tuili gei-ah thuhilh ding kipankik leuleu hi. Ama kiimah a kikhawm mite tamlua ahih manin gunkuang sungah pai-in a tu hi. A gunkuang pen tui tungah om a, mihonpite ahihleh tuigei leilakah om uh hi.

Luka 6:12

Ni khat, thungen dingin mualtungah Jesuh pai a, zan tawntung Pasian kiangah thu ngenin a om hi.

Luka 6:17

Tua mualtung panin Jesuh le a nungzui teelte paisuk uh a, a nung a zui midang tampite tawh mun zang khatah a ding hi. Jerusalem khua le Judea gam khempeuh le tuipi gei-a om Taia khua le Sidon khuapite panin a hong pai mihon tampi zong hong om uh hi.

Luka 6:20

Tua ciangin Jesuh in a nungzuite en a, “No mizawngte Pasian’ Ukna sungah om na hih manun thupha ngah mi na hi uh hi.

Luka 9:28

Hih thu a genkhit nipikal khat bang khit ciangin Jesuh in Peter, Johan, le James te sam a, mualtungah thungen dingin a paipihto hi.

Johan 6:15

Mihonte in thatanghat thu tawh kumpi-in amah a koih sawmna thu Jesuh in a theih ciangin mualtung lamah amah guak a kihemkhia hi.