Mattiu 4:7 - Tedim Bible

⁷ Jesuh in, “Lai Siangtho mahah, ‘Na Topa Pasian na ze-et kei in,’ ci-in gen hi lo ahi hiam?” ci-in a dawng hi.

Tedim Bible Revision 2017

⁷ Jesu in, “Lai Siangtho mahah, ‘Na Topa Pasian na ze-et kei in,’ ci-in gen hi lo ahi hiam?” ci-in a dawng hi.

Mattiu 4:7 Iomraidhean Croise

Late 106:14

Ahih hangin amaute in gamlakah duhluat mahmahna nei uh a, sehnel gam sungah Pasian a ze-et uh hi.

Late 78:18

Amaute in amau’ duh mahmah an a kalhna uh tawh amaute in a lungsim sung uhah Pasian a ze-et uh hi.

Late 78:41

Amaute in amah ze-et kikkik uh a, Israel-te’ Siangtho Pasian a phin uh hi.

Late 78:56

Ahi zongin amaute in Sangpen Pasian ze-etin lehdo uh a, ama thupiakna zui loin,

Paikhiatna 17:2

Tua ahih ciangin mite in Moses’ tungah mawhna zong uh a, “Tui dawn ding hong pia in,” ci uh hi. Moses in amaute kiangah, “Bang hangin kei’ tungah mawhna hong zong na hi uh hiam? Bang hangin Topa ze-et na hi uh hiam?” a ci hi.

Paikhiatna 17:7

Israel mite’ mawhzonna le amaute in Topa ze-etin, “Eite’ lakah Topa a om mah ahi hiam?” a cihna hangun, tua mun pen Massah le Meribah, ci-in min kiphuak hi.

Isaiah 8:20

Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.

Malakhi 3:15

I muhna bang leh, mi kiphasakteng mah in thupha ngahin nuamsa uh hi. Mi gamtatsiate ahihleh citheibek loin, a gamtatsiatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Gamlak-vakna 14:22

Egypt le gamlakah ka hihsa ka vangliatna le ka limte mu khin napi-in sawmvei kei hong ze-etin keima aw a ngai lo mite,

Mattiu 21:16

Jesuh kiangah, “Hih naupangte’ otna na za hiam?” ci-in a dong uh hi. Jesuh in, “Ka za hi. Lai Siangtho sungah, ‘Naungekte le naupangte’ kam tawh a cingtaak phatna na gen sak hi,’ a cihna thu sim ngei lo na hi uh hiam?” ci-in a dawng hi.

Mattiu 21:42

Jesuh in amaute kiangah, “Lai Siangtho sungah, ‘Innlamte in a nilkhiat suang pen innkiu suang bulpi suak khinta hi. Hih pen Topa’ bawl hi a, i muh ciangin lamdang i sa hi,’ ci-in a kigelhna sim ngei lo na hi uh hiam?

Mattiu 4:10

Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Mattiu 4:4

Ahi zongin Jesuh in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Luka 4:12

Jesuh in, “Lai Siangtho in, ‘Topa na Pasian na ze-et kei in,’ ci hi,” ci-in a dawng hi.

Sawltak 15:10

Tua ahih ciangin i pute i pate a kipan ei mahmah in i puak zawh loh vangik pen Pasian’ heh theihtheih nadingin bang hangin thu um mite tungah suan ding ihi hiam?

Sawltak 5:9

Tua ciangin Peter in tua nu kiangah, “Bang dingin na nupa-un Topa’ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmahah om uh a, nang zong hong puakhia ding uh hi,” a ci hi.

1 KORIN MASA 10:9

Amaute pawlkhat bangin Topa i ze-et kei ding hi. Gul in amaute na tulum hi.

Thu-hilhkikna 6:16

“Massah munah amah na ze-et uh bangin Topa na Pasian uh na ze-et nawn kei ding uh hi.

Hebru 3:9

Na pu na pate un kum sawmli sung ka nasepnate mu napi-in kei hong ze-et veve uh hi.