Mattiu 4:4 - Tedim Bible

⁴ Ahi zongin Jesuh in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Tedim Bible Revision 2017

⁴ Ahi zongin Jesu in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Mattiu 4:4 Iomraidhean Croise

Paikhiatna 16:15

Israel mite in a muh uh ciangin amaute khatlekhat in, “Bang ahi hiam?” kici uh hi. Bang hang hiam cih leh amaute in tua pen bang hiam cih thei lo uh hi. Moses in amaute’ kiangah, “Topa in nek dinga note’ tungah hong piak an ahi hi.

Paikhiatna 16:35

Amaute a ten theih nading uh leitang a tun mateng, kum sawmli sung Israel mite in manna ne uh a, Kanaan gamgi a tun matengun manna bek a ne uh ahi hi.

Paikhiatna 16:8

Moses in, “Ama tungah na phunnate uh Topa in a zakna hangin, Topa in note’ tungah nitak an nek ding sa, zingsangin na kham tak uha na nek ding uh an hong piak ciangin - kote pen a bang hi mawk ka hi uh hiam? Note’ phunnate pen kote’ tung hi loin Topa’ tung ahi hi,” a ci hi.

Paikhiatna 23:15

Silngo sawh loh anlum pawi na bawl ding uh hi. Keimah in note kong thupiak bangin Abib kha sung a kisehsa hun ciangin ni sagih sung silngo sawh loh anlum na ne ding uh hi. Bang hang hiam cih leh tua kha sungin Egypt panin note na paikhia uh hi. Khut hawmguak tawh keima mai-ah kuamah hong kilak lo ding hi.

Mattiu 15:11

Kam sungah a tumsuk nate in mi ninsak lo a, kam sung panin a pusuak nate in mi a ninsak hizaw hi,” a ci hi.

Mattiu 4:10

Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Mattiu 4:7

Jesuh in, “Lai Siangtho mahah, ‘Na Topa Pasian na ze-et kei in,’ ci-in gen hi lo ahi hiam?” ci-in a dawng hi.

Marka 7:20

Mihingte sung panin a pusuak khiate in mihing ninsak hi.

Luka 4:12

Jesuh in, “Lai Siangtho in, ‘Topa na Pasian na ze-et kei in,’ ci hi,” ci-in a dawng hi.

Luka 4:4

Jesuh in, “Lai Siangtho sungah, ‘Anlum bek tawh mite nungta zo lo hi,’ ci-in kigelh hi lo ahi hiam?” ci-in a dawng hi.

Luka 4:8

Jesuh in, “Lai Siangtho in, ‘Topa Pasian na bia inla, ama na bek sem in,’ ci hi lo ahi hiam?” ci-in a dawng hi.

Johan 15:26

“Ahi zongin Thuman a hong lak ding Huhpa ahi Kha Siangtho ka Pa kiang panin ka hong sawl ding hi. Amah hong tun ciangin keima thu hong gen ding hi.

Johan 6:63

Nuntakna a piathei pen Pasian’ Kha hi a, mihingte’ hihtheih bangmah om lo hi. Keima hong gen thute pen nuntakna a hong piathei tua Kha thu ahi hi.

ROM (Romans) 15:4

Lai Siangtho sungah a om thu khempeuh pen eite hilh nading, eite in lametna nei-in i thuakzawh nading, le i thahat theih nadingin a kigelh ahi hi.

Efesa 6:17

Siklukhu khuk bangin hotkhiatna nei unla, Kha Siangtho in a hong piak Pasian’ thu pen namsau zat bangin na zang un.

Thu-hilhkikna 8:3

Mite, an bek tawh nungta loin Topa’ kamsung panin a pusuak thu khempeuh tawh nungta hi, ci-in note hong theihsak nadingin, amah in note hong niamkhiatin hong gilkialsak a, note hitaleh na pu na pate uh hitaleh in a theih ngei loh manna tawh hong vak hi.