Mattiu 4:3 - Tedim Bible

³ Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Tedim Bible Revision 2017

³ Tua ciangin ama kiangah Dawimangpa hong pai a, “Pasianʼ Tapa na hih takpi leh hih suangte anlum a suah nadingin thu pia in,” a ci hi.

Mattiu 4:3 Iomraidhean Croise

Paikhiatna 16:3

amaute tungah, “Kote, sabeel phungah tu-in ka kham takun an ka nek lai-un Egypt leitangah Topa in hong that khin hizaw taleh maw! Bang hang hiam cih leh mihon buppi a puksisak dingin note in sehnel gamah nong paikhiatpih uh hi,” a ci uh hi.

Mattiu 14:33

Tua ciangin gunkuang sungah a om nungzuite in Jesuh bia uh a, “Pasian’ Tapa taktak na hi hi,” ci-in a gen uh hi.

Mattiu 16:16

Simon Peter in, “Nang pen a nungta Pasian’ Tapa, Khrih na hi hi,” ci-in a dawng hi.

Mattiu 26:63

Jesuh pau loin a om hi. Tua ciangin siampi lianpen pa in, “Pasian’ Tapa, Khrih na hih leh na hihloh nong gen nadingin a nungta Pasian’ min tawh khauhtakin ka hong sawl hi,” a ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

Marka 1:1

Pasian’ Tapa Jesuh Khrih tawh kisai Lungdamna Thu hih bang ahi hi.

Marka 3:11

Tua laitakin mite’ sunga lut dawite in Jesuh a muh uh ciangin a mai-ah pukin kiko uh a, “Nang pen Pasian’ Tapa na hi hi,” a ci uh hi.

Marka 5:7

nakpitakin kiko-in, “A Lianpen Pasian’ Tapa Jesuh aw, kei bang hong nuammawh na hi hiam? Kei, gim hong pia kei in, ci-in Pasian’ min tawh kong thum hi,” a ci hi.

Luka 1:35

Vantung mi in, “Nangma tungah Kha Siangtho hong tung ding a, nangma tungah Pasian’ vangliatna hong om ding hi. Tua ahih manin a hong suak ding a siangtho naungek pen Pasian’ Tapa kici ding hi.

Luka 22:70

Tua ciangin a vekpi-un, “Tua ahihleh Pasian’ Tapa na hi hiam?” a cih uh ciangin, “Pasian’ Tapa hi, nong ci uh hi,” ci-in a dawng hi.

Luka 4:3

Dawimangpa in Jesuh kiangah, “Pasian’ Tapa na hih takpi leh hih suang anlum suaksak in,” a ci hi.

Luka 4:41

Mi tampi sung panin dawite zong taikhia uh a, “Nang pen Pasian’ Tapa na hi hi,” ci-in a kiko uh hi. Amah pen Khrih ahihlam thei uh ahih manin amaute taii-in pausak lo hi.

Luka 4:9

Tua ciangin Dawimangpa in gamlak panin Jerusalem khua-ah Jesuh paipih a, biakinn khumzang a sangpenna munah a kahtohpih khit ciangin, “Pasian’ Tapa taktak na hih leh hih lai panin tuaksuk in.

Johan 1:34

Tua ahih manin hih mipa pen Pasian’ Tapa hi, ci-in thei ka hih manin teci ka pang hi,” a ci hi.

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Johan 9:35

Hih mipa a kihawlkhiatna thu Jesuh in za ahih manin amah a muh ciangin, “Mihing Tapa na um hiam?” ci-in a dong hi.

Sawltak 9:20

Kikhopna innte-ah va pai-in, “Jesuh pen Pasian’ Tapa ahi hi,” ci-in thu hilh ding a kipan hi.

2 KORIN NIHNA 1:19

Bang hang hiam cih leh Silvanas, Timoti, le keimah in note lakah a thu ka hong hilhhilh uh Pasian’ Tapa Jesuh Khrih pen hih ding a cihte hihlo ding ci-in a thu a kheel themthum pa hi lo a, hih ding a cihte hih ding mah hi pah hi.

Galati 2:20

Tua ahih manin tuhuna ka nuntakna zia pen kei hang hi nawn loin ka sungah a hong om Khrih hang ahi hi. Tua hi a, keimah hong itin, keima a dingin a nuntakna a hong pia Pasian’ Tapa ka muanna tawh tu laitakin a nungta ka hi hi.

1 THESALONIKA MASA 3:5

Tua ahih manin ka thuakzawh nawn loh ciangin note’ upna zia a thei dingin Timoti ka hong sawl hi. Dawimangpa’ ze-etna in note hong puksakkha-in, kote’ nasepna a mawkna suakkha ding hi, ci-in ka lunghimawh uh hi.

Hebru 12:16

Numei tawh a mawh mite suakkha kei unla, Esau bangin annek khat tawh innluah za a zuak mi na suahkhak loh nadingun kidawm un.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 7:3

Melkhizedek’ pa le a nu a kipanin a suahna thu, a sihna thu, le a khang tangthu peuhmah a kiciamtehna om lo ahih manin Pasian’ Tapa tawh a kibang hi a, siampi mah hi tawntung paisuak hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.