Mattiu 4:23 - Tedim Bible

²³ Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Tedim Bible Revision 2017

²³ Galilee gam sung khempeuh ah Jesu pai kawikawi a, amauʼ kikhopna innte ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 4:23 Iomraidhean Croise

Late 103:3

Amah in ka mawhna khempeuh hong maisak a, ka natna khempeuh hong damsak hi.

Late 74:8

Amaute in, “A vekpi-in zo mang khin ni,” kici uh a, gam sung tenga om Pasian biakna inn khempeuh mei tawh a hal uh hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 12:9

Tua lai panin Jesuh paisuakin amau kikhopna inn sungah a lut hi.

Mattiu 13:19

Mi pawlkhat in Pasian’ hong ukna tawh kisai a lungdamhuai thu za napi-in a thu theitel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lolai lampi dung a tu khaicite tawh kibang hi.

Mattiu 13:54

ama khua-ah pai a, kikhopna inn sungah thu a hilh hi. Ama thugen a za mite in lamdangsa mahmah uh a, “Hih mipa in hih bang pilna koilai panin ngah a, bang hangin hih bang na lamdangte bawlthei ahi hiam?

Mattiu 14:14

Tui gei-ah Jesuh a tun ciangin mihon tampi a na om a mu hi. Amaute hehpihhuai sa a, a cinate a damsak hi.

Mattiu 24:14

Tua ciangin mi khempeuh tungah teci ahi dingin Pasian’ hong ukna hangin a lungdamhuai thu, leitung khempeuhah kihilh ding hi. Tua khit ciangin beina hong tung ding hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Mattiu 9:35

Tua bangin khuapite le khuaneute-ah Jesuh pai kawikawi a, a kikhopna uh innte-ah thu hilhin, Pasian’ ukna hangin a lungdamhuai thute gen a, natna nam khempeuh a damsak hi.

Marka 1:14

Thong sungah Johan a kikhiat khit ciangin Galilee gam sungah Jesuh hong pai a, Pasian kiang panin hong pai Lungdamna Thuthak gen a,

Marka 1:21

Tua ciangin Kapernaum khua tung uh a, a Sabbath ni-in kikhopna inn sungah Jesuh pai-in thu hilh ding a kipan hi.

Marka 1:39

Tua ahih ciangin Galilee gam sung khempeuhah amah zin a, a kikhopna uh innte-ah thu hilhin dawite a hawlkhia hi.

Marka 3:10

Amah in cina mi tampi damsakkhin ahih manin, Jesuh a lawntheih nadingun cina khempeuh in amah hong naih ciat uh hi.

Marka 6:2

A Sabbath ni ciangin kikhopna inn-ah thu a hilh hi. Ama thuhilh a za mi tampite in lamdangsa-in, “Hih pa in hih thute koi panin a ngah ahi hiam? Hih pa tungah a kipia pilna a bang pilna ahi hiam? Bangci-in nalamdang hici bawltheih ahi hiam?

Marka 6:6

Amaute in amah a uploh manin lamdang a sa mahmah hi. Tua ciangin tua kiima om khuaneute-ah thuhilhin a pai kawikawi hi.

Luka 10:9

tua khuasunga cinate damsak un. A khuamite kiangah, ‘Pasian’ Uk nading hun note a dingin hong naita hi,’ ci-in gen un.

Luka 13:10

Sabbath ni khatin Jesuh in kikhopna inn khat sungah thu hilhin a om hi.

Luka 16:16

“Tuiphumpa Johan’ hun ciang dong Moses Thukham le kamsangte’ thugente pen zuih belin kinei a, ahi zongin Pasian’ Ukna hangin Lungdamna Thu a kihilh hun a kipanin hih thu-ah mi khempeuh hong kituhteh uh hi.

Luka 20:1

Nikhat, Jesuh in biakinntual sungah mite kiangah thu hilhin, Lungdamna Thu genin a om laitakin, siampi liante, Thukham hilh siate, le upate hong paikhawm uh a,

Luka 4:14

Tua ciangin Kha Siangtho vangliatna tawh a kidimin Galilee gamah Jesuh a ciahkik hi. Tua kiima om gam khempeuhah ama thu kizakim hi.

Luka 5:17

Khatvei, Jesuh in thu hilhin a om laitakin Galilee gam, Judea gam, le Jerusalem khua panin a hong pai Farisi mi pawlkhat le Thukham hilh siate pawlkhat hong om hi. Cina damsak theih nading Topa’ vangliatna, Jesuh tungah kipia hi.

Luka 6:17

Tua mualtung panin Jesuh le a nungzui teelte paisuk uh a, a nung a zui midang tampite tawh mun zang khatah a ding hi. Jerusalem khua le Judea gam khempeuh le tuipi gei-a om Taia khua le Sidon khuapite panin a hong pai mihon tampi zong hong om uh hi.

Luka 6:6

Sabbath a ni dang khatin kikhopna inn khatah Jesuh pai-in thu a hilh hi. A khut taklam a zaw mi khat tua lai-ah na om hi.

Luka 7:21

Tua hun laitak mahmahin natna a tuamtuamte tampi damsakin, dawivei mite sung panin dawite hawlkhia a, mittaw mi tampi khua a musak hi.

Luka 7:22

Tua ahih manin Johan’ kamtaite kiangah, “Va ciahkik unla, na muhsa uh le na zaksa uh thute khempeuh Johan kiangah va gen un. Mittawte in khua muthei a, khebaite lam paithei a, miphakte damkik a, bilngongte in khua zathei kik a, misite kihingsakkik a, mizawngte tungah Lungdamna Thu kihilh hi.

Luka 8:1

Tuazawh tawlkhat khit ciangin khuapite le khuaneute-ah a ban banin Jesuh pai a, Pasian’ Ukna hangin Lungdamna Thu hilhin a vak kawikawi hi. Tua a vak kawikawina-ah nungzui sawm le nihte,

Luka 9:11

Mihonte in hih thu a theih uh ciangin Jesuh nungdelh uh a, Jesuh in zong amaute na nolh loin, amaute tungah Pasian’ Ukna thu na hilh a, natna a neite zong a damsak hi.

Luka 9:60

Ahi zongin Jesuh in, “Misi bang ahi mite in misite na vui tahen. Nang ahihleh va pai inla Pasian’ Ukna thu va hilh in,” a ci hi.

Johan 18:20

Jesuh in, “Mi khempeuh’ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna om ngei lo hi.

Johan 6:59

Hih thute pen Kapernaum khua-a kikhopna innsunga a thuhilhna-ah a gen ahi hi.

Johan 7:1

Tua khit ciangin Galilee gam sungah Jesuh zin kawikawi hi. Jerusalem khua-a om Jew mi uliante in amah thatnuam uh ahih manin Judea gam sungah zin nuam nawn lo hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 18:4

Sabbath ni simin kikhopna inn-ah limtakin thu gen a, Jew mi le Grik mite in thu a up nadingun a hanciam hi.

Sawltak 20:25

“A beisa hunah Pasian’ Ukna thu a hilhin note lakah kong vak kawikawi a, ahi zongin tu-in kuamah in nong muhkik nawn loh ding uh ka thei hi.

Sawltak 28:31

Amah in Pasian’ Ukna thu le Topa Jesuh Khrih’ thu, hangtakin a ututin genin a hilh hi.

ROM (Romans) 10:15

A gen dingin kisawl kei leh kua in a thu gen thei ding ahi hiam? Tua ahih manin Lai Siangtho sungah, “Lungdamna thu a hilh dingin a hong pai mite hangin kinuam mahmah hi,” ci-in kigelh hi.