Mattiu 4:15 - Tedim Bible

¹⁵ “Gentail mite’ tenna Galilee gam sung, Jordan Gun galkhat, Tuipi lampangah a om Zebulun le Naftali gam!

Tedim Bible Revision 2017

¹⁵ “Gentail miteʼ teenna Galilee gam sung, Jordan Gun gal khat, Tuipi lam pangah a om Zebulun le Naftali gam!

Mattiu 4:15 Iomraidhean Croise

1 KUMPI MASATE 9:11

Taia kumpi Hiram in Solomon’ deih zahzah taamtak sing le taaksan sing le kham a piak khit ciangin, Kumpi Solomon in Galilee gam sunga om khuapi sawmnih, Hiram tungah a pia hi.

2 KUMPI NIHNATE 15:29

Israel kumpi Pekah’ hun laitakin Assiria kumpi Tiglathpileser hong pai-in Ijon, Abelbethmaakah, Janoah, Kedesh, Hazor, Gilead, le Galilee, le Naftali gam khempeuh la a, amah in galmatin mite Assiria-ah a ciahpih hi.

Isaiah 9:1

Zebulun minamte le Naftali minamte’ tenna gamte in mindaina thuak ngei uh a, ahi zongin mai lamah pahtawina ngahkik ding uh hi. Mediterranean tuipi a kipanin nisuahna lam Jordan gun gal, minam dangte’ tenna Galilee gam sung minthang kik ding hi.

Mattiu 4:13

Galilee gam Nazareth khua-ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua-ah a va teng hi.

Mattiu 4:14

Tua bangin a va tenna pen kamsangpa Isaiah thugen a tun nading ahi hi. Tua a genna-ah,

Mattiu 4:25

Galilee gam, Khuapi Sawmte gam, Jerusalem khua, Judea gam le Jordan Gun galkhat gam panin mi tampi tak in Jesuh a zui uh hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Joshua 20:7

Tua ahih ciangin amaute in Naftali mualtung gam sunga om Galilee gam sung panin Kedesh khua, Efraim mualtung gam sungah Shekhem khua, le Judah mualtung gam sungah Kiriatharba (Hebron a cihna) khuate a tuamkoih uh hi.

Joshua 21:32

Tua ciangin Naftali minam sung panin Galilee gam sunga om khuapite sung panin mi thatte a dingin bukna khuapi Kedesh a lonona gamte tawh, Hammothdor a lonona gamte tawh, le Kartan a lonona gamte tawh, khuapi thum kipia hi.