Mattiu 4:12 - Tedim Bible

¹² Jesuh in Johan a kimatna thu a zak ciangin Galilee gam sungah va kihem hi.

Tedim Bible Revision 2017

¹² Jesu in Johan a kimatna thu a zak ciangin Galilee gam sungah va kihem hi.

Mattiu 4:12 Iomraidhean Croise

Mattiu 11:2

Tuiphumpa Johan in thong sung panin Jesuh’ nasepnate a zak ciangin Jesuh kiangah a nungzuite sawl a,

Mattiu 14:3

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herod a heh suak a, Johan mansakin, khau khihsakin, thong sungah a khumsak hi.

Marka 1:14

Thong sungah Johan a kikhiat khit ciangin Galilee gam sungah Jesuh hong pai a, Pasian kiang panin hong pai Lungdamna Thuthak gen a,

Marka 6:17

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herodias a heh suak a, galkapte in Johan manin thong sungah a khiat nadingin Herod a vaihawmsak hi.

Luka 23:5

Ahi zongin amaute in nawhsa takin nakpau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuhah hong hilh a, tu-in hih lai mun hong tungta hi,” a ci uh hi.

Luka 3:20

Tua ciangin Herod in thong sungah Johan khia a, a gamtatsiatna a behlap lailai hi.

Luka 4:14

Tua ciangin Kha Siangtho vangliatna tawh a kidimin Galilee gamah Jesuh a ciahkik hi. Tua kiima om gam khempeuhah ama thu kizakim hi.

Luka 4:31

Tua ciangin Galilee gam Kapernaum khua-ah paisuk a, Sabbath ni-in thu a hilh hi.

Johan 1:43

A zing ciangin Jesuh in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Johan 4:43

Tua lai-ah ni nih a taam khit ciangin Galilee gamah a pai hi.

Johan 4:54

Hih nalamdang pen Judea gam panin Galilee gamah hong pai khit a kipanin Jesuh in nalamdang a bawl a nihna ahi hi.