Mattiu 4:10 - Tedim Bible

¹⁰ Jesuh in, “Satan aw, taikhia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Tedim Bible Revision 2017

¹⁰ Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Mattiu 4:10 Iomraidhean Croise

1 KHANG TANGTHU MASATE 21:1

Satan in Israel mite gimsak nuam ahih manin Israel mi phazah a sim dingin David hanthawn hi.

JOB (Job) 1:12

Tua ciangin Topa in Satan kiangah, “En in, ama neihsa khempeuh na khut sungah kong ap hi; ahi zongin amah taktak ahihleh na su kei ding hi,” a ci hi. Tua ciangin Topa’ omna panin Satan a paikhia hi.

JOB (Job) 1:6

Ni khat ni-in Topa’ omna-ah vantung mite hong pai uh a, tuate lakah Satan zong hong kihel hi.

JOB (Job) 2:1

Ni khat ni-in Topa’ omna-ah vantung mite hong paikik uh a, Satan zong amaute lakah hong kihelin Topa’ omna mahah hong pai hi.

Late 109:6

Ka gal pa’ langah migilo khat pangsak inla, thusitna a thuak dingin mawhna a zong mi khat paipih sak in.

Paikhiatna 23:25

Note in Topa na Pasian uh nong bia ding uh a, keimah in na an uh le na tui uh thupha ka pia ding hi. Keimah in note’ lak panin cinatna ka la khia ding hi.

Isaiah 30:22

Tua ciangin note in ngun tawh a kizut na milimte uh le kham a kiluan, a kisung na milimte uh na ninsak ding uh hi. Nin bangin tuate na thehthang ding uh a, tuate tungah, “Beimang ta un!” na ci ding uh hi.

Mattiu 16:23

Ahi zongin Jesuh kihei-in Peter kiangah, “Satan aw, ka nungah om in. Hih na ngaihsutnate Pasian’ ngaihsutna hi loin mihingte’ ngaihsutna ahih manin ka lam a hong khaktan ding a suak hi,” a ci hi.

Marka 1:13

Gamlakah ni sawmli sung om a, Satan in tua hun sungteng a ze-et hi. Tua lai-ah gamsa gilote zong om a, ahi zongin vantung mite hong pai-in amah huhin an a vak uh hi.

Luka 10:18

Jesuh in amaute kiangah, “Vantung panin keekkia bangin Satan a kiatna ka mu hi.

Luka 11:18

Tua mah bangin Satan ukna sunga om mite zong khatlekhat kido le-uh a ukna bangci kip ding ahi hiam? Kei pen, Beelzebul’ vangliatna tawh dawi hawlkhia hi, nong ci uh hi.

Luka 13:16

Tua mah bangin Satan in Abraham’ suante khat ahi hih numei pen kum sawm le giat sung hencip hi. Hih a kihencipna panin Sabbath ni-in hih numei khahkhiat ding kilawm hi lo ahi hiam?” a ci hi.

Luka 22:3

Tua ciangin sawm le nihte sung panin Iskariot tapa Judas sungah Satan hong lut hi.

Luka 22:31

Tua ciangin Jesuh in, “Simon, Simon aw, lokho pa in buhhum a haih bangin note khempeuh hong ze-et nadingin Satan in thu a ngah khitna thu phawk in.

Luka 4:8

Jesuh in, “Lai Siangtho in, ‘Topa Pasian na bia inla, ama na bek sem in,’ ci hi lo ahi hiam?” ci-in a dawng hi.

Johan 13:27

Judas in tua an a nek khit phetin ama sungah Satan hong lutpah hi. Tua ahih manin Jesuh in ama kiangah, “Na hih ding peuhpeuh hihpak in,” a ci hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 5:3

Peter in, “Ananias aw, bang hangin Satan’ thu-in gamta a, na lo zuak man sumte pawlkhat kem simin, Kha Siangtho khem na hi hiam?

1 KORIN MASA 5:5

Topa’ Ni hong tun ciangin tua bang mite’ kha in hotkhiatna a ngahtheih nadingin Satan in amau pumpi a gimsak dingin na piakhia ta un.

1 KORIN MASA 7:5

Thungetna-in hun na zattheih nadingun tawlkhat sung tuam om ding thukim khawm masa lopi-in lupkhop ding kinialkha kei un. Tua bangin tawlkhat sung na tuam om khit uh ciangin note’ pumpi’ deihna hangin Satan’ ze-etna sungah na pukkhak loh nadingun a ngeina bangin lupkhop ding kipan kik un.

2 KORIN NIHNA 11:14

Tua pen lamdangsak ding hi lo hi. Satan nangawn Pasian’ vantungmi tawh a kibangin kibawltawm thei hi.

2 KORIN NIHNA 12:7

Ahi zongin hih a lamdang na tampite ka muhna hangin kisialin ka kisaktheih khak loh nadingin Satan’ sawltak bangin na a sem, keima pumpi sungah natna khat hong kipia ahih manin ka kisaktheih luat loh nadingin a hong kham hi.

2 KORIN NIHNA 2:11

Mawhna maisak kei lehang Satan in nuamtaksa-in eite tungah hong gualzo kha ding ahih manin mawhna a maisak ihi hi. Satan’ nasepna zia a thei lo ihi kei hi.

Thu-hilhkikna 10:20

Topa note’ Pasian na zahtak ding uh a, ama na semin, amah beelin, ama min tawh na kiciam ding uh hi.

Jeim 4:7

Tua ahih manin Pasian’ thu na mang un. Dawimangpa na nial un. Nial le-uhcin no kiang panin taikhia ding hi.

Joshua 24:14

“Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koihkhia unla, Topa’ na sem un.

1 PETER MASA 5:9

Leitungah thu um dang khempeuh in zong note’ thuak mah bangin a thuak ahihna thu thei unla, na upna uhah kipin Dawimangpa na nial un.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa’ lamah a kiheikik na hih uhleh note’ lak panin gamdang pasian-te le Ashtaroth nusian milim koihkhia-in Topa’ lamah na lungsim uh ngat unla, amah bek bia un. Tua hileh amah in Filistia-te’ khutsung panin note hong honkhia ding hi,” a ci hi.