Mattiu 3:11 - Tedim Bible

¹¹ Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.

Tedim Bible Revision 2017

¹¹ Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Mattiu 3:11 Iomraidhean Croise

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Marka 1:4

Tua mah bangin gam sungah Johan hong vak a, mawhna kisikin tui kiphum un; tua hileh na mawhna uh Pasian in hong maisak ding hi, ci-in thu a hilh hi.

Luka 1:17

Amah pen kamsang Elijah mah bangin thahatna le vangliatna tawh Pasian mai-ah hong mapai ding hi. Pate le tate kilemsakkikin, mihoihte’ lungsim bang a neih nadingun thumang lo mite’ lungsim heisak ding a, Topa a dingin a kilawm dingin mite a bawlkhol ding hi,” a ci hi.

Luka 3:16

Tua ahih ciangin Johan in amaute kiangah, “Keimah in tui sungah note ka hong phum hi; ahi zongin kei sangin nakpitakin a lianzaw khat hong pailai ding hi. Ama khedap khau a sutsak ding nangawnin kei ka kilawmzo nai kei hi. Amah in Kha Siangtho le mei sungah note hong phum ding hi.

Luka 3:3

Tua ahih ciangin Jordan Gun kiim gam khempeuhah Johan pai kawikawi a, kamsang Isaiah in Lai Siangtho sungah a gelh mah bangin, “Na mawhna panun kisik unla tui kiphum un. Tua hileh Pasian in na mawhnate uh hong maisak ding hi,” ci-in thu a hilh hi.

Johan 1:15

Johan in ama thu gen a, “Keima nungah hong pai hinapi-in keima suah ma-in amah omkhin ahih manin kei sangin amah lianzaw hi,” ci-in ka gen pa pen hih pa ahi hi, ci-in a kiko hi.

Johan 1:30

Keima nungah mi khat hong pai ding a, keima suah ma-in amah omkhin ahih manin kei sangin amah lianzaw hi, ci-in ka gen pa ahi hi.

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Sawltak 19:4

Tua ciangin Paul in, “Johan’ hilh tuiphumna pen mawhna a kisik mite a’ ding ahi hi. Amah in Israel mite kiangah, ‘Keima nunga hong pai ding pa Jesuh um un,’ ci-in gen hi,” a ci hi.

Sawltak 8:36

Lampi-ah a pai laitakun tui omna mun tung uh a, mangpa in, “Hih lai-ah tui om hi. Tui kiphum nuam peuh leng kua’n hong kham thei ding ahi hiam?” a ci hi.

Sawltak 8:38

Tua ciangin a leeng a khawlsak nadingin mangpa in thu pia a, Filip tawh a nihun tui phualah pai-in Filip in amah a tuiphum hi.

1 KORIN MASA 12:13

Jew mi ihi a, Gentail mi ihi zongin, sila ihi a, sila ahi lo ihi zongin, eite minam tuamtuam ihih hangin Kha Siangtho khat bek mah in Jesuh’ pumpi a suak dingin ama sungah hong phum a, eite khempeuh tungah a hong kipia pen tua a kibang Kha Siangtho khat bek mah ahi hi.

Efesa 3:8

Pasian’ mi khempeuh lakah kei a neupen hinapi-in, Khrih hangin a kigen zo lo thu manpha ahi Lungdamna Thu, Gentail mite lakah a gen ding,

Titu 3:5

amah in eite hong honkhia hi. Eite in na hoih i sepzawhna hangin hong honkhia hi loin eite tungah suahtakna le nuntakna thak a hong pia Kha Siangtho in hong sawpsiangna hangin a hong hehpihna tawh a hong honkhia ahi hi.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.