Mattiu 28:3 - Tedim Bible

³ Ama mel, khuaphialep tawh kibang a, a puan zong vuk bangin a pak hi.

Tedim Bible Revision 2017

³ Ama mel, khuaphialep tawh kibang a, a puan zong vuk bangin a pak hi.

Mattiu 28:3 Iomraidhean Croise

Late 104:4

Na kamtai dingin huihte na bawl a, mei le meikuangte na nasemte na hisak hi.

Daniel 7:9

Ka et laitakin kumpi tokhomte a hong kikoih hi. A nungta tawntung mipa tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom pen meikuang leengpei tungah kinga-in mei kuang zuazua a,

Mattiu 17:2

Tua lai mun panin amaute’ muhtangpi mahin Jesuh a mel kikheel a, a maitang ni bangin taangin, a puante khuavak bangin a ngo hi.

Mattiu 28:4

Hancingte in kihtalua uh ahih manin lingin a sibup uh hi.

Marka 16:5

Han sungah a lut uhleh, a taklam pang uhah, puanpak a silh tangval khat a tu mu uh a, lamdangsa-in a lau uh hi.

Marka 9:3

leitung a puansawpte kuamah in a paaksak zawh loh dong ding zahin a puante pakin a tee hi.

Johan 20:12

Jesuh’ luang a kisialna a lu lamah khat, a khe lamah khat, puanpak silhin a tu vantungmi nih a mu hi.

Sawltak 1:10

Tua bangin Jesuh a kilaktoh ciangin amaute in vantung lam enenin a om laitakun amaute kiangah puanpak a silh mi nih hong dingvat a,

Mangmuhna 10:1

Tua ciangin a thahat vantungmi khat, meiipi in tuamin, a lu tungah sakhituihup khimin, a maitang nitaang tawh kibangin, a khete meikuang khuampi tawh a kibang khat, vantung panin a hong kumsuk ka mu hi.

Mangmuhna 18:1

Tua khit ciangin vantung panin vantung midang khat a hong paisuk ka mu hi. Amah in aana a lian mahmah nei a, ama vang in leitung buppi a taan hi.