Mattiu 28:10 - Tedim Bible

¹⁰ Tua ciangin Jesuh in amaute kiangah, “Lau kei un. Pai unla, Galilee gamah ka sanggamte a pai nadingin va gen un. Tua lai-ah kei hong mu ding uh hi,” a ci hi.

Tedim Bible Revision 2017

¹⁰ Tua ciangin Jesu in amaute kiangah, “Lau kei un. Pai unla, Galilee gamah ka sanggamte a pai nadingin va gen un. Tua lai ah kei hong mu ding uh hi,” a ci hi.

Mattiu 28:10 Iomraidhean Croise

Mattiu 14:27

Jesuh in amaute hopihpah a, “Na lungsim uh hangsak un. Keimah ka hi hi. Lau kei un,” a ci hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Mattiu 25:45

Tua ciangin amah in, ‘Note kiangah kong genin-ah: Hih mite a neupen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Mattiu 26:32

Ahi zongin hong kithawh kiksak khit ciangin Galilee gam sung note mai-ah ka pai ding hi,” a ci hi.

Mattiu 28:16

Nungzui sawm le khatte zong, Jesuh in a gensa bangin Galilee gam a mualtungah a pai uh hi.

Mattiu 28:5

Ahi zongin tua vantungmi in numeite kiangah, “Lau kei un. Singlamteh tungah a kithat Jesuh a zong na hihlam uh ka thei hi.

Mattiu 28:7

Tu-in manlang takin va ciah unla, a nungzuite kiangah, ‘Sihna panin Jesuh kithosak khin a, Galilee gam note mai-ah a pai ding hi. Tua lai-ah amah na mu ding uh hi,’ ci-in va gen un. Hih ka hong gen thute hoihtakin ciamteh un,” a ci hi.

Mattiu 28:9

Jesuh in lampi-ah tua numeite na dawntuahin, “Lungnuam un!” ci-in a na hopih hi. Numeite in zong Jesuh a khe-ah lenin a bia uh hi.

Marka 16:7

Tu-in pai unla, Peter le Jesuh’ nungzui dangte kiangah hih thu va gen un. Note tungah hong gensa bangin Galilee gam amaute mai-ah pai hi; tua lai-ah amah na mu ding uh hi, ci hi, ci un,” a ci hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

Johan 6:20

Jesuh in amaute kiangah, “Keimah ka hi hi; lau kei un,” a ci hi.

ROM (Romans) 8:29

Pasian’ Tapa mi khempeuh lakah a upa pen a suahtheih nadingin Pasian in a teelkholhsa mite, a Tapa tawh a kibang dingin a sehsa ahi hi.

Thukhente 10:16

Tua ahih ciangin amaute in amau’ lak panin gamdang pasian-te koih khia-in Topa a bia uh hi. Tua ahih ciangin Israel-te’ gentheihna ah amah a dah hi.