Mattiu 27:43 - Tedim Bible

⁴³ Amah in, ‘Kei, Pasian’ Tapa ka hi hi,’ ci ahih manin, amah in Pasian muanin a nei hi. Pasian in a hotnop leh tu-in honkhia ta hen,” a ci uh hi.

Tedim Bible Revision 2017

⁴³ Amah in, ‘Kei, Pasianʼ Tapa ka hi hi,’ ci ahih manin, amah in Pasian muanin a nei hi. Pasian in a hot nop leh tu-in hon khia tahen,” a ci uh hi.

Mattiu 27:43 Iomraidhean Croise

Late 14:6

Mizawngte’ geelna susia nuam uh a, ahih hangin Topa pen mizawngte’ belh ahi hi.

Late 22:8

“Topa’ tungah amah in ama thu ap hi. Amah kihonkhia sak un; amah deih ahih manin honkhia ta hen!” hong cihsan uh hi.

Late 3:2

Pasian in amah huh lo ding, mi tampi in hong ci uh hi.

Late 42:10

Ka langte in kei tungah, “Na Pasian koi-ah om ahi hiam?” hong cihcih sungteng, ka sungah meima nai tawm bangin hong tum ngangngang hi.

Late 71:11

“Pasian in amah nusiazo a, amah a hon ding kuamah om lo ahih manin, amah delhin man ni,” kici uh hi.

Isaiah 36:15

“Topa in eite hong honkhia taktak ding a, hih khuapi pen Assiria kumpipa khut sungah kipia lo ding hi,” ci-in Hezekiah in hong genna tawh na Topa uh muangkha kei un.

Isaiah 36:18

Hezekiah in, “Topa in eite hong honkhia ding hi,” ci-in lam hong khialsak kha ding ahih ciangin kidawm un. Assiria kumpipa’ khutsung panin minam dangte’ pasian khatpeuh in ama gam honkhiazo ngei ahi hiam?

Isaiah 37:10

“Judah kumpi Hezekiah kiangah hih bangin gen un: ‘Assiria kumpipa’ khut sungah Jerusalem kipia lo ding hi, ci-a thu hong ciam na suan Pasian’ khemsa-in om kei in.

Mattiu 27:40

“Biakinn susia-in ni thum sungin a lamkik ding pa aw, nang le nang kihonkhia in. Pasian’ Tapa na hihtakpi leh singlamteh tung panin hong kumsuk in,” ci-in a zahko uh hi.

Mattiu 27:54

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Luka 23:35

Jew mi upate in Jesuh zahko-in, “Amah in midangte honkhia hi. Pasian teelsa Khrih ahih takpi leh amah le amah kihonkhia ta hen,” ci-in a simmawhbawl laitakun tua lai-a ding mite in a enen uh hi.

Luka 23:37

“Jew Mite’ Kumpipa na hih takpi leh nang le nang kihonkhia in,” a ci uh hi.

Johan 10:30

Kei le ka Pa pumkhat ka hi uh hi,” ci-in a dawng hi.

Johan 10:36

Tua ahih manin kei pen Pa Pasian in hong teelin leitungah a hong sawl ka hih manin, ‘Pasian’ Tapa ka hi hi,’ ka cih ciangin bang hangin Pasian simmawhbawl hong cithei na hi uh hiam?

Johan 19:7

Jew mihonte in, “Amah Pasian’ Tapa-in kigen ahih manin a kithah theih nading Thukham ka nei uh hi,” ci-in a genna uh