Mattiu 27:4 - Tedim Bible

⁴ “Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cihsan uh hi.

Tedim Bible Revision 2017

⁴ “Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cih san uh hi.

Mattiu 27:4 Iomraidhean Croise

1 KUMPI MASATE 21:27

Ahab in hih thute a zak ciangin a puante balkek a, a pum tungah puanhampi silhin, an tangin puanhampi tungah lum a, maikhingin a vak kawikawi hi.

JOB (Job) 13:4

Note in na haina uh zuauthu tawh na melh uh a, kuamah a damsak zo lo zato siam-a kinei mite tawh na kibang uh hi.

JOB (Job) 16:2

“Tua bang thute ka zaza khin a, no’ hehnepna pen gimna ding bek ahi hi.

Late 94:21

Amaute in thuman mihoihte thah sawm uh a, a mawhbaang lo mite sihna thuaksak uh hi.

Paikhiatna 12:31

Faro in Moses le Aaron zan sap a, “Ding un; keima mite’ lak panin note le Israel mite paikhia unla, na gensa bangun Topa va bia un.

Paikhiatna 9:27

Tua ciangin Faro in mi sawlin Moses le Aaron samsakin amaute kiangah, “Tutungin ka khial hi. Topa man hi. Kei le ka mite ka khial uh hi.

Paunak 12:8

Mipilte kiphatin kipahtawi a, mihaite kineu-et hi.

Jeremiah 26:15

Kei nong thah uhleh bel, mawh nei lo mi khat na thah manun note mahmah a kipan hih khuapi le a sunga tengte in na thuak ding uh thei ta un. Bang hang hiam cih leh note’ bil mahmahin na zak dingun hih thute a gen dingin Topa’ hong sawl taktak ka hi hi,” a ci hi.

Jonah 1:14

Tua ahih ciangin Topa’ kiangah amaute kiko-in, “Topa aw, hih mipa ka sihsak manun kote hong sisak kei inla, mi that hi, ci-in hong ngawh kei ta in, ci-in kong thum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tuzan ka mang sungin ama hangin nakpitakin gimna thuak ka hih manin, mawhna nei lo tua mipa bangmah cihkha kei in,” a ci hi.

Mattiu 27:54

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Luka 23:22

Tua ciangin amaute tungah a thumveina thu gen a, “Amah in bang mawhna bawl ahi hiam? Sihna a thuak nadingin ama gamtatna bangmah ka mu kei hi. Tua ahih manin amah satin ka khah ding hi,” a ci hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Johan 19:7

Jew mihonte in, “Amah Pasian’ Tapa-in kigen ahih manin a kithah theih nading Thukham ka nei uh hi,” ci-in a genna uh

Sawltak 13:28

Amaute in Jesuh in sihna a thuak nadingin thukhenna a ngah nading thu mu zo lo napi uh, Pilat in thah nading thu a piak nadingin na ngen teitei uh hi.

ROM (Romans) 3:19

Tua ahih manin kuamah in paulap a zon theih loh nading le mi khempeuh in Pasian’ thukhenna a thuak theih nadingin Thukham a nei mite khempeuh in tua Thukham a zuih ding uh ahihna thu i thei hi.

1 TIMOTI MASA 4:2

Tua bang zuau thuhilhnate pen zuau genin mi a khem, sik emsa tawh tatgawp bangin a lungsim un a hoih le a hoih lo a khenthei nawn lote’ kam panin hong gingkhia ding hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadahhuai, a thumang lo, na hoih sem dingin a kilawmna a om lo mite ahi uh hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

1 PETER MASA 1:19

tuuno bangin paubaanna a om lo, a manpha mahmah Khrih, biakna-in a hong kipiakna tawh Pasian in note a hong suaktasak ahi hi.

1 JOHAN MASA 3:12

Dawimangpa’ mi ahi, a naupa mahmah a that Kain bang kei ni. Kain a gamtatna man lo a, a naupa’ gamtatna man ahih manin Kain in a naupa a that ahi hi.

Mangmuhna 11:10

Teci a pang tua kamsang nihte in leitung mite tungah gimna nakpitakin tungsak uh ahih manin hih mi nihte a sihna hangin lungdamin pawi bawl ding uh a, a nuamna uh hangin khatlekhat letsong kipia ding uh hi.

1 SAMUEL MASA 15:24

Tua ciangin Saul in Samuel kiangah, “Ka khial khin hi; bang hang hiam cih leh keimah in mite kihta-in amau’ thu mangkha ka hih manin Topa’ thupiakna le nangma thute ka palsat khin hi.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai le Israel-te’ mai-ah kei hong pahtawi inla, Topa na Pasian ka biaktheih nadingin kei hong zuikik in,” a ci hi.

1 SAMUEL MASA 19:5

Amah in a nuntakna pia ngamin Filistia-pa that a, Topa in Israel-te khempeuh a dingin gualzawhna lianpi piangsak hi. Nangmah in hih thu na mu a, na lung a dam hi. Tua ahih ciangin bang hangin thu om lopi-in David thahna tawh a mawhbaang lo mipa tungah khial ding na hi hiam?” a ci hi.