Mattiu 27:19 - Tedim Bible

¹⁹ Tua banah, thukhen zumah thusitin a om hunsung mahun, a zi in thu zasak a, “Tuzan ka mang sungin ama hangin nakpitakin gimna thuak ka hih manin, mawhna nei lo tua mipa bangmah cihkha kei in,” a ci hi.

Tedim Bible Revision 2017

¹⁹ Tua banah, thukhen zumah thusitin a om hunsung mahun, a zi in thu zasak a, “Tu zan ka mang sungin ama hangin nakpi takin gimna thuak ka hih manin, mawhna nei lo tua mipa bangmah cih kha kei in,” a ci hi.

Mattiu 27:19 Iomraidhean Croise

Piancilna 31:11

Tua ciangin Pasian’ vantungmi in ka mang sungah, ‘Jakob,’ hong ci a, ke’n, ‘Hiah om ing!’ ka ci hi.

Piancilna 31:24

Ahih hangin Aram mi Laban kiangah zanin mang sungah Pasian hong pai-in ama kiangah, “Jakob’ tungah a pha hitaleh a sia hitaleh kam khat beek na pau loh nadingin kidawm in,” a ci hi.

Piancilna 31:29

Nang kong siatsak ding keima thu ahi hi. Ahih hangin na pa’ Pasian in zan zanin kei kiangah thu hong gen a, ‘Jakob tungah a pha hitaleh a sia hitaleh na gen ding kidawm in,’ hong ci hi.

Paunak 29:1

Kihilh napi-in a mang nuam lote bawlphat zawh nawn loh dongin kisia ding uh hi.

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Gamlak-vakna 12:6

Topa in, “Ka thu za un: Note’ lakah kamsang a om leh Topa keimah in ama tungah maangmuhna tawh ka kilak a, amah tawh mang sungah ka kiho hi.

Mattiu 1:20

Ahi zongin hih bangin thu a ngaihsut laitakin a mang sungah Topa’ vantungmi khat hong kilang a, “David suan Josef aw, Mary sunga nau pen Kha Siangtho in a gaisak ahih manin amah tenpih ngamlah kei in.

Mattiu 2:19

Herod a sih khit ciangin Egypt gam a om Josef kiangah Topa’ vantungmi khat hong kilang a,

Mattiu 2:22

Ahi zongin Arkhelaus in a pa Herod’ za laihin Judea gam uk mahin a omna thu a zak ciangin tua gamah Josef ciah ngam lo hi. Tua ahih manin a mang sung mahah a kihilna bangin Galilee gam sungah lutin,

Mattiu 27:18

Bang hang hiam cih leh Jesuh a hazat man bekun ama kiangah a paipih ahihna thu teltakin a thei hi.

Mattiu 27:24

A gengen hangin bangmah phattuamna om loin buaina piangzaw kha ding, ci-in Pilat in a theih ciangin, tui la-in mihonpi’ muhin a khut sil a, “Hih mipa a sihna thu-ah kei ka kihel kei hi. Note in thei ta un,” a ci hi.

Mattiu 27:4

“Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cihsan uh hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Johan 19:13

Pilat in hih bangin mite’ kikona a zak ciangin Jesuh paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Sawltak 12:21

Kumpipa in a thugen hun ding a ciamkholh ni a tun ciangin a kumpi puan silhin a kumpi tokhom tungah tu a, mite tungah thu a gen hi.

Sawltak 18:12

Rom khutnuai-ah Akhaia gam sung a uk dingin Gallio a kikoih ciangin Jew mite hong kikaikhawm uh a, Paul manin zumah a paipih uh hi.

Sawltak 18:16

zum panin amaute a hawlkhia hi.

Sawltak 18:17

Amaute in kikhopna inn ukpa Sosthenes manin, zum mai-ah satgawp uh a, ahi zongin Gallio in themkhat zong phamawh sa lo hi.

Sawltak 25:10

Paul in, “Keimah thu hong kisit nading munin a kilawmna, gam uk kumpipa thukhenna mai-ah ka va ding ding hi. Nangmahmah in zong teltakin na theih ding bangmahin Jew mite tungah bangmah siatna ka bawl kei hi.

Sawltak 25:17

Ka cih mah bangin hih lai-ah amaute a hong tun uh a zing ciangin thukhenna tokhom tungah tu pahin, a mipa hong kipaipih nadingin thu ka pia hi.

Sawltak 25:6

Tua lai-ah Festas ni giat, ni sawm bang a taam khit ciangin Sisaria khua-ah a ciah hi. A zing ciangin thukhen tokhom tungah tu a, ama mai-ah Paul a kipaipih nadingin thu a pia hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

1 JOHAN MASA 2:1

Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.