Mattiu 26:74 - Tedim Bible

⁷⁴ Tua ciangin Peter kiciam a, “Hua mipa ka thei kei hi. Zuauthu ka gen taak leh Pasian in kei hong dawm kei ta hen!” a ci hi. Tua khitzawh phetin ak hong khuangta hi.

Tedim Bible Revision 2017

⁷⁴ Tua ciangin Peter kiciam a, “Hua mipa ka thei kei hi. Zuau thu ka gen taak leh Pasian in kei hong dawm kei tahen!” a ci hi. Tua khit phetin ak hong khuang ta hi.

Mattiu 26:74 Iomraidhean Croise

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Mattiu 26:34

Jesuh in, “Tuzan mahmahin ak a khuan’ ma-in kei, thumvei tak na hong nial ding lamtak phawk in,” a ci hi.

Mattiu 26:73

Tuazawh a sawt loin a gei-a omte khat in Peter kiangah, “Na kampau zia uh kibang ahih manin nang zong hua mite tawh a kipawl mah na hi takpi hi,” a ci leuleu hi.

Mattiu 26:75

Tua ciangin, “Ak a khuan’ ma-in kei thumvei na hong nial ding hi,” ci-in Jesuh in a gen thu, Peter in phawkkik ahih manin paikhia-in nakpitakin a kap hi.

Mattiu 27:25

Tua ciangin mi khempeuh in, “Hih mipa’ sihna hangin gimthuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Marka 14:30

Jesuh in, “Tuzan mahmahin ak nihvei a khuan’ ma-in thumvei tak kei na hong nial ding lamtak phawk in,” a ci hi.

Marka 14:68

Ahi zongin Peter in nial a, “Ka thei kei hi; bang na cihna ahi hiam, cih zong ka tel kei hi,” ci-in dawngin tual pualam paina lampi lamah a pai hi. Tua laitakin ak a khuang hi.

Luka 22:60

Ahi zongin Peter in, “Lawm aw, na thugen ka thei kei hi,” ci-in a dawng hi. Tua bangin a pau laitakin thakhatin ak hong khuang hi.

Johan 18:27

Peter in nialkik leuleu a, tua khit phetin ak a khuang hi.

ROM (Romans) 9:3

Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi.

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

Thukhente 17:2

Amah in a nu kiangah, “Ngun pek tul le zakhat hong kiguksak lai-in a gu pa na samsiatna thu ka za hi. A ngunte pen keima guk hi a, tu-in hih lai-ah tuate om hi,” a ci hi. Tua ciangin a nu in, “Ka tapa aw, Topa in thupha hong pia ta hen,” a ci hi.

Thukhente 21:18

Ahi zongin amau’ zi dingin i tanute i pia thei kei hi,” a ci uh hi. Bang hang hiam cih leh Israel mite kiciam khinin, “Benjamin-te tungah zi a pia mipa in samsiatna ngah ta hen,” a ci uh hi.