Mattiu 26:46 - Tedim Bible

⁴⁶ Tho un, pai ta ni. Kei hong lehhek ding pa hong naita hi,” a ci hi.

Tedim Bible Revision 2017

⁴⁶ Tho un, pai ta ni. Kei hong lehhek ding pa hong nai ta hi,” a ci hi.

Mattiu 26:46 Iomraidhean Croise

Mattiu 26:45

Tua ciangin a nungzuite kiangah hong paikik a, “Ihmu-in tawlnga hithiat lailai na hi uh hiam? Mawhnei mite’ khut sungah Mihing Tapa a kipiak ding hun hong tungta hi.

Mattiu 26:47

Tua bangin Jesuh in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Marka 14:42

Tho un; pai ta ni. Kei hong lehhek pa hih lai-ah hong tungta hi,” a ci hi.

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

Luka 22:15

Tua ciangin Jesuh in amaute kiangah, “Sihna ka thuakma-in note tawh hih Paisan Pawi an i nekkhop ding ka ut mahmah khat ahi hi.

Luka 22:21

Ahi zongin kei hong lehhek ding pa’ khut in sabuai-ah kei tawh an a sawkkhawmna thu thei un.

Luka 9:51

Jesuh vantungah a kilaktoh ding hun a nai kuan ciangin Jerusalem khua manawh dingin a ngaihsun hi. Ama mai-ah nungzui pawlkhat mapaisak a,

Johan 14:31

Ahi zongin leitung mite in Pa Pasian ka itna thu a theih nadingun Pa’ vaihawmna bangbangin a gamta ding ka hi hi. Tua ahih manin kithawi un; hih lai mun panin paikhia ta ni,” a ci hi.

Johan 21:20

Peter a kihei ciangin, nitak an a nek lai-un Jesuh’ gei-ah tu-in, “Topa aw, nang kua in hong lehhek ding ahi hiam?” ci-in a dong, Jesuh’ it a nungzui pa ama nungah a om a mu hi.

Sawltak 21:13

Ahi zongin Paul in, “Bang hangin hih bangin kapin ka lungsim a tapkhap nadingin gamta na hi uh hiam? Jerusalem khua-ah khihcipna a thuak ding bek hi loin, Topa Jesuh hangin a si ding ciang dongin a kithawisa ka hi hi,” ci-in a hong dawng hi.

1 SAMUEL MASA 17:48

David tawh a kituah dingin Filistia-pa dingin hong pai a, hong nai ciangin David zong Filistia-pa tawh a kituah dingin gal mai-ah a delh hi.