Mattiu 26:45 - Tedim Bible

⁴⁵ Tua ciangin a nungzuite kiangah hong paikik a, “Ihmu-in tawlnga hithiat lailai na hi uh hiam? Mawhnei mite’ khut sungah Mihing Tapa a kipiak ding hun hong tungta hi.

Tedim Bible Revision 2017

⁴⁵ Tua ciangin a nungzuite kiangah hong paikik a, “Ihmu-in tawlnga hithiat lailai na hi uh hiam? Mawhnei miteʼ khut sungah Mihing Tapa a kipiak ding hun hong tung ta hi.

Mattiu 26:45 Iomraidhean Croise

1 KUMPI MASATE 18:27

Sun ciangin Elijah in amaute zahpihin, “Amah pen pasian ahih ciangin a gingin kiko un. Amah in thu a lungngaih laitak, ahih kei leh mun dangah paikhia, ahih kei leh khualzin, ahih kei leh amah ihmu-in phot ding kisam hikhathei ding hi,” a ci hi.

Thuhilh-sia 11:9

Khangnote aw, na khangnona uh nuamsa unla, na khangno lai-un lungdam un. Na hihnop peuhpeuh uh hih unla, na ut bangbangun gamta un. Ahi zongin na gamtatna uh tawh kizui-in Pasian in thu hong khen ding phawk gige un.

Mattiu 26:18

Jesuh in, “Jerusalem khua sungah va pai unla, tua mipa kiangah, ‘Siapa in, “Ka hun hong naita hi. Na inn-ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Mattiu 26:2

“Na theihsa uh mah bangin tuzawh ni nih khit ciangin Paisan Pawi hun hong tungta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Mattiu 26:44

Tua ahih manin amaute kiang panin paikhia kikin, a kibang mahin a thumveina thu a ngen hi.

Mattiu 26:46

Tho un, pai ta ni. Kei hong lehhek ding pa hong naita hi,” a ci hi.

Marka 14:35

Amah tawmkhat pailai-in leilakah boksuk a, ahi thei ding ahihleh hih thuakna hun tawh a kipelh nadingin thu a ngen hi.

Luka 22:53

Nisimin biakinn-ah note tawh ka omkhawm a, bangmah nong cih kei uh hi. Ahi zongin hih hun pen nomau’ hun hi a, khuamial sung a uk Satan’ vangliat hunsung ahi hi,” a ci hi.

Johan 12:23

Tua ciangin Jesuh in, “Mihing Tapa in Pasian’ pianzia a ngah ding hun hong tungta hi.

Johan 12:27

Tua khit ciangin Jesuh in, “Tu-in ka lunggim mahmah hi. Bangcih ding ka hi hiam? ‘Pa aw, hih hun tawh hong kipelhsak in,’ ci ding ka hi hiam? Tua bang cih ding lah hih bang a thuak ding mahin a hong pai ka hi hi.

Johan 13:1

Tu-in Paisan Pawi hun ding ni khat bek in sam a, Jesuh in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 17:1

Jesuh in hih thute a genkhit ciangin vantung lam ento-in, “Pa aw, a hun hong tungta ahih manin na Tapa in na pianzia hong kilatsak theih nadingin tu-in na Tapa’ pianzia hong kilangsak ta in.