Mattiu 26:40 - Tedim Bible

⁴⁰ A nungzui thumte kiangah hong paikik ciangin amaute na ihmu uh hi. Amah in Peter kiangah, “Nai khat sung nangawn hong ngakzo lo liang na hi uh hiam?

Tedim Bible Revision 2017

⁴⁰ A nungzui thumte kiangah hong paikik ciangin amaute na ihmu uh hi. Amah in Peter kiangah, “Nai khat sung nangawn hong ngak zo lo liang na hi uh hiam?

Mattiu 26:40 Iomraidhean Croise

1 KUMPI MASATE 20:11

Tua ciangin Israel kumpipa in dawngin, “Ama kiangah gen un: ‘Gal a zawh khit ciangin galhiam a suahkhia pa bangin galsim dingin galhiam a kuah lai pa kiphasak kei hen,’ ci un,” a ci hi.

Solomon la 5:2

Ka lup hangin ka lungsim ihmu lo a, ka ngaihno in ka kong hong kiuh ka za hi. Itluat ngaihno ka lungtup aw, kei hong tumsak in. Ka lu tungah daingo kia a, meiizun in ka sam kawtsak hi.

Mattiu 25:5

Zineipa hong tunghak ahih manin a vekpi-un lusu-in a ihmu uh hi.

Mattiu 26:35

Ahi zongin Peter in, “Nang tawh sihkhawm nading ciang dong ahi zongin kong nial ngei het kei ding hi,” a ci veve hi. Tua mah bangin nungzui dang khempeuh in zong a ci ciat uh hi.

Mattiu 26:38

Amaute kiangah, “Ka lungsim dahna hangin ka si dektak hi. Hih lai-ah na om unla hong ngak un,” a cih khit ciangin

Mattiu 26:41

Ze-etna-ah na puk khak loh nadingun thu ngen un. Lungsim in ze-etna nang nuam napi-in pumpi in nangzo lo hi,” a ci hi.

Mattiu 26:43

A nungzuite kiangah hong paikik ciangin, a ihmut uh suaklua mahmah ahih manin na ihmu leuleu uh hi.

Marka 14:37

Tua ciangin hong pai a, a nungzui thumte ihmu-in om a muh ciangin Peter kiangah, “Simon aw, ihmu na hi uh hiam? Nai khat sung nangawn hong ngak zo lo liang na hi uh hiam?” a ci hi.

Luka 22:45

A thungetna panin dingin a nungzuite kiangah paikik a, amaute a dahna hangun gimin ihmu-in a om a mu hi.

Luka 9:32

Peter le a lawm tegel lusu-in ihmu uh a, ahi zongin amaute hong khanglo-in, Jesuh’ minthanna vang le amah tawh a dingkhawm mi nihte a mu uh hi.

Thukhente 9:33

Tua ciangin zingsang ni a suah phetin tho baih unla, khuapi simgawp un. A ompih mite tawh nang a do dingin hong kuankhiat ciangun ahi thei bangin amaute tungah na bawl ding uh hi,” cisak hi.