Mattiu 26:4 - Tedim Bible

⁴ kuama theih lohin Jesuh simmatin a thahtheih nading uh a vaihawm uh hi.

Tedim Bible Revision 2017

⁴ kuama theih lohin Jesu simmatin a thah theih nading uh a vaihawm uh hi.

Mattiu 26:4 Iomraidhean Croise

Piancilna 3:1

Tu-in gulpi pen, Topa Pasian’ bawlsa gamlak ganhing dangte khempeuh sangin ngiansiam zaw hi. Amah in numei kiangah, “Pasian in, ‘Huan sung singgah khat peuhpeuh ne lo ding,’ hong ci ahi hiam?” ci hi.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Paunak 24:15

Migilote’ gamtat bangin thuman mite’ omna sugawp kei inla, amau’ tenna inn luhgawp kei in.

Mattiu 12:14

Ahi zongin Farisi mite paikhia uh a, Jesuh a thahtheih nading uh vai a hawm uh hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesuh simmatin a thahtheih nading uh lampi a zong uh hi.

Johan 11:53

Tua ahih manin tua hun a kipanin Jesuh a thahtheih nadingun a vaihawm uh hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

Sawltak 7:19

I mipihte na khemgawpin na khelbawl a, a ta ngeekte uh a sih nadingin inn panin mun dangah a koihkhia sak hi.

2 KORIN NIHNA 11:3

Ahi zongin gulpi in ama zuau ngian tawh Eve a khemzawh bangin na lungsim uh kihei-in Khrih tungah na kipiaknate uh na nusiatkhak ding uh ka lunghimawh hi.