Mattiu 26:31 - Tedim Bible

³¹ Tua ciangin Jesuh in amaute kiangah, “Lai Siangtho sungah, ‘Tuucingpa ka satlum ding a, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisanmang khin ding uh hi.

Tedim Bible Revision 2017

³¹ Tua ciangin Jesu in amaute kiangah, “Lai Siangtho sungah, ‘Tuucingpa ka sat lum dinga, a tuute kithehthang ding hi,’ ci-in a kigelh mah bangin note khempeuh in tu nitakin kei na hong taisan mang khin ding uh hi.

Mattiu 26:31 Iomraidhean Croise

Late 38:11

Ka gim thuakna-ah ka lawmte le ka kithuahpihte kidang koih uh a, keima behte nangawn kei kiang pan gamla om uh hi.

Late 69:20

Simmawhna in ka lungsim hong zo a, kei ka cimawh ta hi. Kei a hong hehpih ding mi ka zonzon hangin kuamah om lo a, hong huh ding ka zon hangin kuamah ka mu kei hi.

Late 88:18

Kei hong itte le ka lawmte keimah nong pelhsak khin a, khuamial bekbek, keima kikholhpih ahi hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

Kah la 1:19

Ka kipawlpihte ka sapsap hangin a hong huh nuam kei uh hi. A nuntakna ding uh an a zonna lamun siampite le makaite kongzing lakah a si uh hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Mattiu 11:6

Kei hong umte pen a lungdamhuai mahmah ahi hi,” ci-in a dawng hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

Mattiu 26:56

Ahi zongin Lai Siangtho sungah kamsangte’ thugente a tuntheih nadingin hih bangin a hong gamta na hi uh hi,” a ci hi. Tua ciangin a nungzuite khempeuh in Jesuh nusia-in a taisan uh hi.

Johan 16:32

Note khempeuh kithehthangin na inn ciat uh zuanin kei bek na hong nusiat ding uh hun a hong tung ding hi bek loin tu-in a hong tung hita hi. Ahi zongin kei guak a hong kinusia hi lo a, Pa in kei hong ompih hi.