Mattiu 26:28 - Tedim Bible

²⁸ Mi tampite’ mawhna a mai nadingin a luangkhia, Pasian’ thuciamna a kipsak, ka sisan ahi hi.

Tedim Bible Revision 2017

²⁸ Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.

Mattiu 26:28 Iomraidhean Croise

Jeremiah 31:31

“En un, Topa in kong cihin-ah, Israel minamte le Judah minamte tawh thuciamna thak khat ka bawl ni hun hong tung ding hi.

Siampi Laibu 17:11

Bang hang hiam cih leh pumpi nuntakna pen si sungah om hi. Note a’ ding kilemna bawl nadingin note a dingin biakna tau tungah tua si ka piazo hi. Si pen nuntakna ahih manin kilemna a piangsak na ahi hi.

Zekhariah 9:11

Sisan tawh a kikipsak, note tawh ka thuciamna hangin na salsuahna uh keugaw gam panin note ka hong suaktasak ding hi.

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Mattiu 26:27

Tua ciangin hai la a, lungdamna a kohkhit ciangin amaute tungah pia-in, “Na vekpi-un dawn un.

Mattiu 26:29

Note kiangah kong genin-ah: Ka Pa’ Ukna sungah note tawh leenggahzu thak ka dawnkik ni matengin leenggahzu ka dawnkik nawn kei ding hi,” a ci hi.

Mattiu 6:12

Kote tungah a hong mawhte mawh maisakna ka neih bangun ko’ mawhna zong hong maisak in.

Marka 1:4

Tua mah bangin gam sungah Johan hong vak a, mawhna kisikin tui kiphum un; tua hileh na mawhna uh Pasian in hong maisak ding hi, ci-in thu a hilh hi.

Marka 14:24

Tua ciangin amaute kiangah, “Hih pen mi tampite a dingin a luang, thuciamna thak a kipsak keima sisan ahi hi.

Luka 22:19

Tua ciangin anlum la-in Pasian tungah lungdamna a kohkhit ciangin amaute tungah pia a, “Hih pen note a dingin a hong kipia keima pumpi ahi hi. Keimah nong phawk nadingun na ne un,” a ci hi.

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

ROM (Romans) 5:15

Ahi zongin Pasian’ hong piak letsong pen Adam’ mawhna tawh kibang lo ahih manin tua tegel tehkak theih ding hi lo hi. Tua mi khat a khialhna hangin mi tampi a sihna pen a man mah ahi hi. Ahi zongin Pasian’ hong itna le hong hehpihna nakpitakin lianzaw lai a, mi khat ahi tua Jesuh Khrih’ hehpihna hangin mi tampi tak tungah hong kipia letsong lian mahmah hi.

ROM (Romans) 5:19

Mi khat in thu a man loh manin mi tampi mimawh a suahsak mah bangin mi khat in thu a manna hangin mi tampi in Pasian tawh kipawl theihna a ngah ding uh ahi hi.

1 KORIN MASA 11:25

Tua mah bangin nitak an a nekkhit uh ciangin hai la a, “Hih hai sunga om leenggahzu pen keima sisan tawh a kikipsak Pasian’ thuciamna thak ahi hi. Hih bangin na dawn simun, kei na hong phawk nadingun na dawn un,” ci hi.

Efesa 1:7

Khrih hong sihna hangin eite in suahtakna ngahin, i mawhnate hong kimaisak ahi hi. Tuazah dongin Pasian’ hong hehpihna thu bangzah takin lian ahi hiam?

Kolose 1:14

tua a Tapa in eite hong khahkhia a, i mawhna hong kimaisak khinta hi.

Kolose 1:20

Pasian in a Tapa zangin na khempeuh ama kiangah a kaihkik ding a sehsa ahi hi. Tua ahih manin singlamteh tungah a Tapa a sihna hangin amah tawh kilemkik theih nading hong omsak ahih manin, leitung, vantung a om khempeuh ama kiangah a hong tunkik ahi hi.

Hebru 10:29

Tua bang ahihleh Pasian’ Tapa a simmawh, mawhna a hong maisak Pasian’ thuciamna sisan a thudon lo, Pasian’ hehpihna a hong puak Kha Siangtho a hehsakte’ thuak ding bangzah takin lianzaw kan ding ahi hiam?

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

Hebru 9:28

mi tampite’ mawhna a thuak dingin Khrih zong khatvei bek a kipia hi. A nihveina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a honkhia ding ahi hi.

1 JOHAN MASA 2:2

Tua Jesuh hangin eite’ mawhna hong kimaisak a, eite a’ ding bek hi loin leitung mi khempeuh’ mawhna zong a mai nading ahi hi.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.

Mangmuhna 7:9

Tua khit ciangin ka khuadak leh mi namkim, pau namkim panin kuama sim zawh loh dingin a tam mahmah mihonpite, tokhom mai le Tuuno mai-ah ding uh a, puanpak silhin a khut uhah nisuh hiang a tawi uh ka mu hi.