Mattiu 26:27 - Tedim Bible

²⁷ Tua ciangin hai la a, lungdamna a kohkhit ciangin amaute tungah pia-in, “Na vekpi-un dawn un.

Tedim Bible Revision 2017

²⁷ Tua ciangin hai la a, lungdamna a koh khit ciangin amaute tungah pia-in, “Na vekpi-un dawn un.

Mattiu 26:27 Iomraidhean Croise

Late 116:13

Topa in kei hong hotkhiat ka lungdamna hangin, ama kiangah tuiphih biakna ka paipih ding hi.

Solomon la 5:1

Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Solomon la 7:9

Na kam, leenggahzu bangin khum zungzung hi. Ka ngaihno tungah leenggahzu khum luang hen la, a muk a ha tawk kim hen.

Isaiah 25:6

Vanglian Topa in hih mual tungah mi khempeuh a dingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzu ciil nekna pawi bawl ding hi.

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Mattiu 15:36

Anlum sagih le a ngasate la-in Pasian tungah lungdamna a koh khit ciangin balnenin a nungzuite tungah pia a, a nungzuite in mihonpite mai-ah a lui uh hi.

Mattiu 26:26

Tua bangin an a nek laitakun, Jesuh in anlum la-in lungdamna a kohkhit ciangin balnen a, a nungzuite kiangah pia-in, “La unla ne un; hih pen ka pumpi ahi hi,” a ci hi.

Mattiu 26:28

Mi tampite’ mawhna a mai nadingin a luangkhia, Pasian’ thuciamna a kipsak, ka sisan ahi hi.

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

1 KORIN MASA 10:16

Nekkhawm bawlna-ah leenggahzu hangin Pasian tungah lungdamna ko-in i dawn ciangin Khrih sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khrih pumpi hangin thuphate mah a ngahkhawm cihna hi lo ahi hiam?

1 KORIN MASA 11:28

Tua ahih manin a kuamah peuh ki-entel masa phot uh hen la, tua khit ciangin Topa’ anlum ne-in a hai panin leenggahzu dawn pan tahen.