Mattiu 25:5 - Tedim Bible

⁵ Zineipa hong tunghak ahih manin a vekpi-un lusu-in a ihmu uh hi.

Tedim Bible Revision 2017

⁵ Zineipa hong tung hak ahih manin a vekpi-un lusu-in a ihmu uh hi.

Mattiu 25:5 Iomraidhean Croise

Solomon la 3:1

Zan sialin ka lup kawmin, ka ngaihno ka lungngaingai a, amah ka zon hangin ka mu zo kei hi.

Solomon la 5:2

Ka lup hangin ka lungsim ihmu lo a, ka ngaihno in ka kong hong kiuh ka za hi. Itluat ngaihno ka lungtup aw, kei hong tumsak in. Ka lu tungah daingo kia a, meiizun in ka sam kawtsak hi.

Solomon la 5:3

Ka puante suah khinzo ing. Ka puante silhkik ding ka hi hiam? Ka khete sil khinzo ing; ninsakkik ding ka hi hiam?

Habakkuk 2:3

Hih thu a tunna ding hun hi pah nai lo ahih manin lai-in ciamteh in. Ahi zongin hong tung baihta ding a, kong lah khempeuh a manin hong tung ding hi. A tung hak tawh a kibangkha ahi zongin ngak keikai in. Ka seh hun a cin ciangin hong tung takpi ding a, zekai lua nawn lo ding hi.

Mattiu 24:48

Ahi zongin tua nasempa nasem hoih lo hi hen la, a lungsim sungah, ‘Ka topa hong ciahhak ding hi,’ ci-in,

Mattiu 25:19

“Hun sawtpi khit ciangin tua nasemte’ topa hong ciahkik a, a nasemte tawh a sum thu a siangsak uh hi.

Mattiu 25:4

ahi zongin a pil nungak ngate in a dimtakin thunin a pai uh hi.

Mattiu 25:6

Ahi zongin zankim tak ciangin, ‘Zineipa hong tungta ding hi. Va dawn un,’ ci-in hong kiko hi.

Mattiu 26:40

A nungzui thumte kiangah hong paikik ciangin amaute na ihmu uh hi. Amah in Peter kiangah, “Nai khat sung nangawn hong ngakzo lo liang na hi uh hiam?

Mattiu 26:43

A nungzuite kiangah hong paikik ciangin, a ihmut uh suaklua mahmah ahih manin na ihmu leuleu uh hi.

Luka 1:21

Tua hun sungteng, mihonte in Zekhariah na ngak uh a, biakinn sungah sauveipi a om manin lamdang a sa uh hi.

Luka 12:45

Ahi zongin tua nasempa in a lungsim sungah, ‘Ka topa hong ciahkik hak ding hi,’ ci-in ngaihsunin a naseppih numei le pasalte satgawp hen la, zukham ankhamin ommawk leh,

Luka 18:8

Ke’n kong cihin-ah, amaute’ thu a manin manlang takin khensak ding hi. Ahi zongin Mihing Tapa hong pai ciangin leitungah amah a um mi a mu ding hiam?” ci-in a genthuah hi.

Luka 20:9

Tua ciangin Jesuh in mite kiangah thugentehna khat gen a, “Mi khat in lo zuanin leenggui suan a, lo khawhlawhte khawhlawh sakin, amah gam dangah pai-in sauveipi a tam hi.

ROM (Romans) 13:11

Tuhun pen bang hun hita ahi hiam, ci-in theita na hih manun tu-a bangin na gamtat ding uh ahi hi. Tu-in note in khua phawkin na khanlawh ding uh hun hita hi. Bang hang hiam cih leh Jesuh Khrih i up cil lai hun sangin tu-in Pasian in leitung haksatna panin eite hong hotkhiat ding hun hong naizaw hi.

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khrih in nang hong taan ding hi,” kici hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

Mangmuhna 2:25

Ka hong pai matengin na neihsateng uh na lenkip ta un.