Mattiu 25:1 - Tedim Bible

¹ “Tua hun ciangin vantung ki-ukna zia pen zinei thak pa a uap dingin a meivak uh tawh a pai nungak sawmte tawh kibang ding hi.

Tedim Bible Revision 2017

¹ “Tua hun ciangin vantung ki-ukna zia pen zi nei thak pa a uap dingin a meivak uh tawh a pai nungak sawmte tawh kibang ding hi.

Mattiu 25:1 Iomraidhean Croise

Solomon la 1:3

Na omna khempeuh nam vuauvuau a, na min kizaza a, nungak khempeuh in nang hong ngai hi.

Solomon la 5:16

A kampaute khum zungzung a, a vekin, deih loh ding khat zong om lo hi. Ka ngaihno, hih bang teng hi, Jerusalem nungakte aw.

Solomon la 5:8

Kong thum hi, Jerusalem nungakte aw, ka ngaihno na muh uhleh lungzuangin ka sih dekna na gensak un.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

Mattiu 13:24

Tua ciangin Jesuh in thugentehna dang khat gen a, “Vantung ki-ukna pen bang tawh kibang hiam cih leh: A lo-ah taangci hoih a vawhpa tawh kibang hi.

Mattiu 13:31

Tua ciangin Jesuh in thugentehna dang khat gen leuleu a, “Vantung ki-ukna pen bang tawh kibang hiam cih leh, mi khat in a lo sungah a vawh ankam tang tawh kibang hi.

Mattiu 13:38

Lolai pen leitung hi a, taangci hoih i cih pen Pasian’ ukna sungah a om mite ahi uh hi. Tahumte pen Gilopa tawh a kipawl mite hi a,

Mattiu 13:47

“Vantung ki-ukna pen tui sungah kipaai-in ngasa namkim a awkna ngen tawh zong kibang hi.

Mattiu 20:1

“Bang hang hiam cih leh vantung ki-ukna sung omzia pen a leenggah lo-ah na a sem ding a cial dingin zing tungin a kuankhia leenggah lo nei pa tawh kibang hi.

Mattiu 22:2

“Vantung ki-ukna zia pen a tapa a dingin mo pawi a bawl kumpipa’ gamtatzia tawh kibang hi.

Mattiu 25:7

Tua nungakte zong tho-in a meivak uh hong puah ciat uh hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai-ah na gamtat hoihna uh khuavak bangin na kilangsak un.

Mattiu 9:15

Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

Johan 18:3

Tua ahih manin Judas zong, siampi liante le Farisi mite in a sawl galkap honkhat le biakinncing palik pawlkhat tawh hiam tawi-in lalcin leh meilah de-in tua huanah a hong pai uh hi.

Johan 3:29

Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

Sawltak 20:8

Ka kikhopna uh inn dawl tungnung sungah meivak tampi a kivak hi.

1 KORIN MASA 11:2

Note in kei hong phawk tawntungin ka hong hilh thu khempeuh zui na hih manun ka hong phat mahmah hi.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khrih tawh a kigawm dingin nungak siangtho bang na hi uh hi.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

Mangmuhna 14:4

Hih mite in numei tawh paktatna gamta ngei nai lo uh a, paubaanna a nei lote ahi uh hi. Amaute in Tuuno a paina peuhpeuhah zui uh a, midang khempeuh sung panin a kitankhiasa, Pasian le Tuuno tungah a kipia masa mite ahi uh hi.

Mangmuhna 19:7

Tuuno’ zineih ding hun hong tungta a, a Lawmnu a kithawisa-in omkhin ahih manin lungdam kipakin amah phat ni.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.

Mangmuhna 21:9

Tua ciangin gimna nunung sagihte a dimin a om hai sagih a tawi vantungmi sagihte sung panin khat kei kiangah hong pai-in thu hong gen a, “Hong pai in; Tuuno zi, a Mothak ka hong lak ding hi,” hong ci hi.

Mangmuhna 4:5

Tua tokhom panin khuaphialep hong taangkhia-in, awging le vanging hong kipankhia a, a tokhom mai-ah Pasian’ kha ahi meivak sagih a kivak hi.

Mangmuhna 8:10

A thumna vantungmi in a peengkul hong tum a, vantung panin aksi lian khat meikuang bangin hong kiasukin gunte le tuinakte sehthumsuah sehkhat tungah a tu hi.