Mattiu 24:9 - Tedim Bible

⁹ “Tua ciangin note hong kibawlsia-in hong kithat ding a, keima hangin Gentail mi khempeuh in note hong mudah ding uh hi.

Tedim Bible Revision 2017

⁹ “Tua ciangin note hong kibawlsia in hong kithat dinga, keima hangin Gentail mi khempeuh in note hong mudah ding uh hi.

Mattiu 24:9 Iomraidhean Croise

Paunak 29:27

Midikte in migilote mudah uh a, migilote in midikte mudah uh hi.

Daniel 11:33

Pilna a nei mite in a pilna uh midang tampite tawh a neikhawm ding uh hi. Ahih hangin tawlkhat sung mi pawlkhat in galsung a sihna le meikuang sunga thahna a thuak ding uh hi. Mi pawlkhatte in lawkgawpna le thongkiatna a thuak ding uh hi.

Mattiu 22:6

adangte in a nasemte manin a na satgawp khit uh ciangin a na that uh hi.

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Luka 11:49

Tua thu hangin Pasian’ Pilna a kici laibu sungah, ‘Amaute kiangah kamsangte le sawltakte ka sawl ding a, amaute in tua mite pawlkhat bawlsia-in na that ding uh hi,’ ci-in kigelh hi.

Luka 21:12

Ahi zongin hihte khempeuh hong pianma-in keima hangin note hong kimanin hong kibawlsia ding hi. Kikhopna innte-ah thusitna thuakin thongah khiat dingin hong ki-ap ding a, ukpite le kumpite mai-ah hong kipaipih ding hi.

Johan 15:18

“Leitung mite in note hong muhdah leh kei a hong mudah masa ahihna thu na thei un.

Johan 15:21

Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.

Johan 16:2

Amaute in a kikhopna uh innte panin note hong hawlkhia ding uh hi. Note hong that mite pen Pasian’ nasemin a kingaihsut ding uh hun hong tung ding hi.

Sawltak 28:22

Ahi zongin tu-a nangma kipawlna mite’ thu pen a koimah peuhah mi khempeuh in gensia uh ahih manin nangma ngaihsutna taktak ka zanuam uh hi,” a ci uh hi.

Sawltak 7:59

Tua bangin suang a khiat thuahthuah laitakun Stefen in thu ngen a, “Topa Jesuh aw, ka kha hong la in,” a ci hi.

1 PETER MASA 4:16

Ahi zongin Khristian hihna hangin gimna na thuak uhleh kuamah in maizum ngaihsut kei unla, Khrih min hangin na thuak manun Pasian tungah na lungdam un.

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satan’ omna munah a kithah hun laitak nangawnin kei na hong upna uh na khahsuah kei uh hi.

Mangmuhna 7:14

“Ka thei kei hi, topa aw. Nangmah in na theizaw ding hi,” ka ci hi. Tua ciangin amah in keima kiangah, “Hih mite pen bawlsiatna lianpi thuakin a hong suakta mite ahi uh hi. Amaute in a puan uh sawpsiangin Tuuno sisan tawh a paaksak uh ahi hi.