Mattiu 24:51 - Tedim Bible

⁵¹ a topa in nakpitakin gim pia-in, mihoih a kineihkhemte’ gimthuak dingteng thuaksak ding a, amah kapin a hagawi ding hi.

Tedim Bible Revision 2017

⁵¹ a topa in nakpi takin gim pia-in, mihoih a kineihkhemteʼ gimthuak ding teng thuaksak dinga, amah kapin a hagawi ding hi.

Mattiu 24:51 Iomraidhean Croise

JOB (Job) 20:29

“Migilote’ ngah dingin Pasian in a piak gimna migilote’ ngah pen tu-a bang ahi hi,” a ci hi.

Isaiah 33:14

Zion-a a om mawhnei mite lau uh a, Pasian’ thu a ngaihsun lo mite lau-in lingcip uh hi. Amaute in, “Pasian’ thukhenna pen a kuang tawntung mei tawh kibang hi. Tua bang meikuang kua in thuakzo ding ahi hiam?” ci uh hi.

Jeremiah 13:25

Hih pen nangma ngah dingin ka hong sehsak ahi hi, Topa in kong ci hi. Bang hang hiam cih leh kei na hong mangngilh a, pasian zuau peuh na um hi.

Mattiu 22:13

Tua ciangin kumpipa in a nasemte kiangah, ‘A khut a khe hen unla, pualam khuamialna lakah lawnkhia un; tua lai-ah kapin a hagawi ding hi,’ a ci hi.

Mattiu 24:50

a topa tung dingin a uploh ni hun khatpeuhin a topa hong tung ding a,

Mattiu 25:30

Bangmahin a kimang lo hih nasempa ahihleh pualam khuamialna lakah lawnkhia un. Tua lai-ah kapin a hagawi ding hi,’ ci hi.

Mattiu 8:12

Ahi zongin vantung ki-ukna sungah a om dingin a kingaihsun Israel mite ahihleh pualam khuamialna-ah kilawnkhia ding a, tua lai-ah kapin a hagawi ding uh hi,” a ci hi.

Luka 12:46

tua nasem pa’ topa pen ama upmawh loh ni, a theihkholh loh hunin hong tung ding hi. A topa in nakpitakin amah gim pia ding a, a thumang lo mite tawh a kibangin a thuaksak khawm ding hi.

Luka 13:28

Pasian’ Ukna sungah Abraham, Isaac, Jakob, le kamsangte khempeuh a omna mu napi-in, note a pualamah hong kihawlkhiat ciangin tua huna na kahna uh le na ha gawina uh bangzah takin nasia ding ahi hiam?