Mattiu 24:5 - Tedim Bible

⁵ Bang hang hiam cih leh keimah a kineih mi tampi hong pai ding a, ‘Kei, Khrih ka hi hi,’ ci-in mi tampi tak umkhialsak ding uh hi.

Tedim Bible Revision 2017

⁵ Bang hang hiam cih leh keimah a kineih mi tampi hong pai dinga, ‘Kei, Khris ka hi hi,’ ci-in mi tampi tak um khialsak ding uh hi.

Mattiu 24:5 Iomraidhean Croise

Jeremiah 14:14

Tua ciangin Topa in, “Tua kamsangte in kei’ min suangin zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kiangah hong gen uh thute a man lo maangmuhna, bangmahin a kimang lo aisanna, le amau’ ngaihsuttawm thute ahi hi.

Jeremiah 23:21

Topa in, “Keimah in sawlkhia lo napi-in tua kamsangte kuankhia teitei uh hi. Thu bangmah ka gen lohpi, kei’ min paulamin thu a gen mawkmawk uh hi.

Jeremiah 23:25

Ka min tawh zuau phuakin, ‘Mang man zo ing, mang man zo ing,’ ci-in a gen kamsang zuau theite’ thuhilhnate zong ka za khinzo hi.

Jeremiah 37:9

Topa in kong cihin-ah, nang le nang kikhemin, “Babylon-te hong kilehkik nawn lo taktak ding uh hi,” cikha kei in. Bang hang hiam cih leh amaute hong kilehkik ding uh hi.

Mattiu 24:11

Kamsang kineihkhem mi tampi hong piang ding a, mi tampi tak umkhialsak ding uh hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Johan 5:43

Ka Pa’ thu tawh kei hong pai napi-in na hong sangnuam kei uh hi. Tua hinapi-in midang khatpeuh ama thu tawh hong paitawm leh na sang ding uh hi.

Johan 8:24

Kei pen, ‘Kei ka hihlam na hong up kei uhleh na mawhna uh a sihpih ding na hih manun, na mawhna uh na sihpih ding uh hi,’ ci-in ka hong genna pen hih thu hang ahi hi,” a ci hi.

Johan 8:28

Tua ahih manin Jesuh in, “Mihing Tapa na khai khit uh ciangin ‘Kei kua ka hi hiam?’ cih thu na hong thei ding uh hi. Tua hun ciangin kei’ thu bek tawh bangmah hih loin, ka Pa’ hong hilhsa teng bek a gen ka hihna thu na thei ding uh hi.

1 JOHAN MASA 2:18

Tate aw, tu-in huntawpna hong naita hi. Khrih’ Gal hong pai ding hi, ci-in na zaksa uh mah bangin tu-in Khrih’ gal tampi tak hong tung khinta hi. Tua ahih ciangin bei nading nai taktakta hi, ci-in i thei hi.

1 JOHAN MASA 2:22

Tua ahihleh zuau thugen i cihte kuate ahi hiam? Jesuh pen Khrih hi lo hi, a cite ahi hi. Hih bangin thugente pen Khrih’ Gal hi a, amaute in Pa le Tapa a nihin nial uh hi.

1 JOHAN MASA 4:3

Ahi zongin hih thu a nial mi peuhmah, Pasian Kha’ sawlna tawh thugen hi lo uh hi. Hih bang mite pen Khrih’ Gal hi a, hong pai ding hi, ci-in na zaksa uh mah bangin tu-in leitungah a hong om khinta ahi uh hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.