Mattiu 24:39 - Tedim Bible

³⁹ Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in theikhol lo ding uh hi.

Tedim Bible Revision 2017

³⁹ Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in thei khol lo ding uh hi.

Mattiu 24:39 Iomraidhean Croise

Piancilna 7:23

Mihing, ganhing, a bokvakte le huih lak vasate, leitung a om nuntakna a nei peuhmah amah in phiatkhia hi. Leitung panin amaute kiphiatkhia hi. Noah le amah tawh teembaw sunga a omteng bek a suakta uh hi.

Paunak 23:35

“Hong vuak hangun ka liam kei a, hong sat hangun ka phawk kei hi. Ka pilvang ciangin zu ka ne kik ding hi,” na ci ding hi.

Paunak 24:12

Ke’n theikha kei ing, na cihnop hangin lungsim a thei Pasian in theitel veve hi; nang hong encik Pasian in hong teltheihna phawk in. Mi khempeuh a gamtatna bangin a thukkik ding hi.

Paunak 29:7

Midikte in mi cimawhte a’ ding thu khual uh a, migilote in tua bang thukhualna thei lo uh hi.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Mattiu 24:3

Oliv Mual tungah Jesuh tu-in a om laitakin a nungzuite guak a tuamin hong pai uh a, “Hih thute cik ciangin hong piang ding a, nang na hong pai ding hun le hun bei nading bang lim hong om ding ahi hiam, hong gen in,” a ci uh hi.

Mattiu 24:30

Tua ciangin Mihing Tapa’ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Mattiu 24:37

Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi.

Mattiu 24:40

Tua hun laitakin lo a kuankhawm mi nih, khat kila-in khat kinusia ding hi.

Luka 19:44

Nang le na kulh sunga om mi khempeuh hong sumai ding uh a, a omna ngei munah suang khat zong om nawn lo ding hi. Hih bang a pianna pen nang a hu dingin Pasian hong pailam na phawk lohna hang ahi hi,” a ci hi.

Johan 3:20

A gamtat hoih lo mite in a siatna uh a kilatkhak ding ut lo uh ahih manin khuavak deih lo uh a, khuavakah pai nuam lo uh hi.

ROM (Romans) 1:28

Mite in a man ahi Pasian’ thu ngaihsutin nei nuam lo uh ahih manin amaute’ ngaihsut hoih lo bangin a gamtat theih nadingun Pasian in a khahkhia hi. Tua ahih manin a gamtat dingun a kilawm lopipi-in a gamta uh hi.

2 PETER NIHNA 3:5

Amaute in a kitheihmawh bawl uh thu pen: Tanglai pekin Pasian in ama kampauna tawh vantung le leitung na piangsak hi. Tui sung panin tui mah tawh leitung na piangsak a,

Thukhente 20:34

Gibeah khua a sim dingin Israel-te khempeuh sung pan a kitengkhia mi tul sawm hong kuan uh a, a galdo uh haksa mahmah hi. Ahih hangin Benjamin mite in amau a dingin siatna a naina thu thei lo uh hi.