Mattiu 24:31 - Tedim Bible

³¹ Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khat dongin, a teelsa mite a kaikhawmsak ding hi.

Tedim Bible Revision 2017

³¹ Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Mattiu 24:31 Iomraidhean Croise

Late 22:27

Leitung mi khempeuh in phawkin Topa’ lamah kihei ding uh a, minam khempeuh in ama mai-ah bia ding uh hi.

Late 67:7

Pasian in eite thupha hong pia khin hi. Leimong dong mi khempeuhte in amah zahtak uh hen.

Late 81:3

Khadet, khalik, i pawi ni-in peengkul tum un.

Paikhiatna 19:16

A ni thum ni zingsang ciangin van gingin khua phia a, mualtungah meii sahpi kai a, nakpitakin a ging peengkul kitum ahih manin giahphual a om mi khempeuh ling uh hi.

Isaiah 11:12

Amah in minamte a dingin lim khat koih ding a, Israel mi a kihawlkhiate kaikhawmin, leitung kiu li panin Judah mi a kikhenthangte kaikhawm ding hi.

Isaiah 13:5

Leitung buppi a susia dingin Topa le ama hehna galhiamte gamlapi van mong panin hong pai hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite le Egypt gam sunga a kihawlkhia mite hong pai-in Jerusalem mual siangtho tungah Topa hong bia ding uh hi.

Isaiah 42:10

Topa’ tungah la thak sa unla, leimong panin amah phatna sa un! Tuipi le a sunga omte, tuipi gei-a om gamte le a tunga teng mite aw, la sa un.

Isaiah 43:6

Keimah in leilu lam kiangah, ‘Piakhia in,’ leitaw lam kiangah, ‘Len nawn kei in; keima piansak ka bawlsa, keima minthan nadingin ka piansak, keima min tawh a kilote khempeuh ahi, ka tapate a gamlapi panin, ka tanute leimong panin hong paipih un,’ ka ci ding hi,” a ci hi.

Isaiah 45:22

“Leitung mi khempeuhte aw, kei lamah hong kihei unla hotkhiatna ngah un! Bang hang hiam cih leh kei pen Pasian ka hi a, kuamah dang om lo hi.

Isaiah 49:18

Na kimkotah khuadakto inla mu in. Na mi khempeuh hong kikhawm uh a, nangma kiangah amaute hong ciah uh hi. Kei pen a nungta Topa ka hih mah bangin, na mite khempeuh hangin nang na kisial ding a, mothak in kizepna-in a zat bangin amaute khempeuh na zang ding hi.

Isaiah 60:4

Na kimkotah khuadak inla mu in. Na mite kikaikhawmin nang kiangah a ciah dingin hong pai uh hi. Na tapate gamlapi panin hong ciah ding uh a, na tanute naungek bangin hong kipua ding hi.

Daniel 7:2

Mun khempeuh panin huihpi hong nungin tuipi tung a seemgawp hi.

Zekhariah 14:5

Hinnom kuam sung kivukcip ding a, Judah kumpi Uzzah’ hun lai-in zinlinna-a a kivukcip mah bang ding hi. Tua ciangin Topa ka Pasian hong pai ding a, a mi siangthote khempeuh hong tonpih ding hi.

Zekhariah 2:6

Topa in ama mite kiangah, “Mun khempeuhah note kong thehthang khin hi. Ahi zongin tu-in Babylon panin taikhia-in Jerusalem-ah ciahkik un.

Zekhariah 6:5

Tua ciangin amah in hong dawng a, “Hihte pen huihleeng li a cihnopna hi a, leitung khempeuhte’ Topa’ kiang panin a hong paikhia ahi uh hi,” hong ci hi.

Zekhariah 9:10

Galkidona leengte Israel gam pan beisakin, sakol galkapte, Judah gam pan ka lakhia ding a, galdona a kizang thalte kisusia ding hi. Na kumpipa un minam dangte lakah kilemna thu gen ding a, amah in tuipi mong khat pan tuipi mong khat dong, Eufratis Gunpi panin leimong dongin a uk ding hi.

Zekhariah 9:14

Ama mite tungah Topa kilang ding a, a thaltang lotte khuaphia bang ding hi. Topa Pasian in peengkul tum ding a, leitaw lam panin a hong pai huihpi tawh a va kuankhia ding hi.

Mattiu 13:41

Mihing Tapa in a vantung mite hong sawl ding a, ama ukna sungah a om migilote le mi a mawh nadingin a bawl mi khempeuh kaikhawmin

Mattiu 24:22

Pasian in tua gimna hun a ni khiam lo hileh a suaktazo kuamah om lo ding hi. Ahi zongin ama teel mite a khualna-in a ni a khiam ding hi.

Mattiu 24:24

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Mattiu 24:32

Thei kung tung panin thu phawk un. Thei a hiang hong meengin a teh hong no ciangin khuakhal hun hong naita hi, ci-in na thei uh hi.

Mattiu 25:31

“Mihing Tapa a vantung mite tawh Kumpi-in hong paikhawm uh ciangin a kumpi tokhom tungah hong tu ding hi.

Mattiu 28:18

Tua ciangin amaute mai-ah Jesuh hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Marka 13:27

Tua ciangin leitung mun khempeuhah vantung mite sawl ding a, leimong khat pan mong khat kikalah a om a teel mite khempeuh a kaikhawmsak ding hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Johan 11:52

Jew mite a’ ding bek hi loin a kithehthang Pasian’ mi khempeuh pumkhat a suah nadingin a kikaihkhop nading thu zong a genkhol ahi hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amau’ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

1 KORIN MASA 15:52

Peengkul nunung hong gin’ ciangin mitphiat kikal sungin i kikhelpak ding hi. Bang hang hiam cih leh peengkul hong gin’ ciangin misite a sithei nawn lo dingin hong tho ding a, i vekpi-in i kikheel ding hi.

Efesa 1:10

Tua a geel thu pen, a hunhoih a tun ciangin Khrih khutnuai-ah, vantung le leitungah a om khempeuh gawm ding ahi hi.

Thu-hilhkikna 30:4

A kihawlkhia na mite uh van mong pekah a om leh zong, Topa na Pasian un tua lai panin note hong khawmin, tua lai panin amah in hong paipih ding hi.

Thu-hilhkikna 4:32

“Pasian in leitungah mi a piansak ni a kipan, note’ pian’ ma-a hun beisa thu tu-in kan unla, van mong khat pan mong khat kikal thu zong kan un. Hih bang na lian piang ngei-in, a kiza ngei peuhmah hiam?

1 THESALONIKA MASA 4:16

Pasian’ thupiakna awging lianpi, vantungmi mangpa’ thugenna, le Pasian’ peengkul hong ging ding a, vantung panin Topa mahmah hong paisuk ding hi.

2 THESALONIKA NIHNA 2:1

Sanggamte aw, i Topa Jesuh Khrih hong pai nading thu le amah a dawn dingin eite i kikhop nading thu tawh kisai-in note kiangah kong thum nopna uh panin:

Hebru 12:19

peengkul tumna awging le a kihtakhuai awgingte na za nai kei uh hi. Israel mite in awging a zak uh ciangin kihta lua uh ahih manin a zakkik nawn loh nadingun a thum uh hi.

Mangmuhna 1:20

Tu-in ka taklam khut sungah na muh aksi sagihte le kham kibawl meivakna sagihte a khiatna in: Aksi sagihte pen pawlpi sagihte’ vantung mite a cihna hi a, meivakna sagihte pen pawlpi sagihte a cihna ahi hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpitakin aw hong ging a, “Leitung uk nading aana neihna pen i Topa Khrih a’ hong suakkhin a, amah in a tawntungin uk paisuak ding hi,” hong ci hi.

Mangmuhna 7:1

Tua khit ciangin leitung kiu li-ah vantungmi li, kiu khatah khat ciat dingin leitung, tuipi tung, le singkung khat peuhpeuh a mutkhak loh nadingin leitung huih lite lencipin a om uh ka mu hi.

Mangmuhna 8:2

Tua ciangin Pasian mai-ah a ding vantungmi sagihte ka mu a, amaute tungah peengkul sagih a kipia hi.