Mattiu 24:29 - Tedim Bible

²⁹ “Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Tedim Bible Revision 2017

²⁹ “Tua gimna hun a tun khit phetin ni hong mialin kha hong taang nawn lo dinga, vantung panin aksite hong kia dinga, vantung a om nate a pai ngei-in pai thei loin lampial gawp ding hi.

Mattiu 24:29 Iomraidhean Croise

Thuhilh-sia 12:2

Lungkham hun i cih in: Nang a dingin nitaang, khataang, aksi taangte a dialh hun, meiipi kai a then’ nawn loh hun,

Isaiah 13:10

Bang hang hiam cih leh vantung aksite le amau’ aksi honpite in khuavak piakhia lo ding hi. Ni a suahtung a kipan mial ding a, kha in zong khuavak taangkhiasak lo ding hi.

Isaiah 24:23

Tua ciangin khapi mial ding a, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk ding a, ama upate’ mai-ah ama minthanna vang kilangsak ding hi.

Isaiah 34:4

Vantunga a om khempeuh muatmang ding a, laidal bangin vantungte kizial ding hi. Leenggui panin a tehte pulhin, theikung panin a tehte a pulh bangin aksi hon khempeuh pulh ding uh hi.

Joel 2:10

Amau’ mai-ah leipi ling a, vanpi nangawn ling damdam hi. Ni le kha zong mialta a, aksite zong taang nawn lo hi.

Joel 3:15

Ni le kha mialta a, aksite zong taang nawn lo hi.

Amos 5:20

Topa’ ni pen khuavak ni hi loin khuamial ni hi a, maitaina a om lo lungzin’ ni ahi hi.

Amos 8:9

Tua ni ciangin sunkim laipi mahin ni ka tumsak ding a, sunkim laipi mahin leitung khempeuhah khua ka mialsak ding hi. Topa Pasian ahi keimah in hih thu kong gen khin hi.

Mattiu 24:21

Bang hang hiam cih leh leitung piancil a kipan tuhun dong, cikmahin tua bang haksatna a om ngei lo, nidang ciangin zong a om ngei nawn lo ding, tua hun laitakin hong tung ding hi.

Mattiu 24:8

Hihte khempeuh pen gimna kipat nading hi pan hi.

2 PETER NIHNA 3:10

Ahi zongin theihkholh lohpi-in guta bangin Topa hong pai ding Ni hong tung ding hi. Tua Ni ciangin nakpitakin a ging in vantungte maimang sakin, vantung nate mei in kangtumin maimang ding a, leitung le a tunga om na khempeuh a mangthang ding hi.

Mangmuhna 8:12

A lina vantungmi in a peengkul hong tum a, ni sehthumsuah sehkhat kisatkhia-in, kha zong sehthumsuah sehkhat mah kisatkhia a, aksi zong sehthumsuah sehkhat mah kisatkhia ahih manin a taanna uh sehthumsuah sehkhat ciat a bei hi. Sunin hun sehthumsuah sehkhat tang khua vak lo a, zanin zong hun sehthumsuah sehkhat tang mah kha le aksi taang lo hi.