Mattiu 24:24 - Tedim Bible

²⁴ Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Tedim Bible Revision 2017

²⁴ Bang hang hiam cih leh Khris a kineihkhemte le kamsang a kineihkhemte hong piang dinga, ahih zawh leh a teel sa mite nangawn a khem nadingun lim le nalamdang lian pipi hong bawl ding uh hi.

Mattiu 24:24 Iomraidhean Croise

Isaiah 9:15

Upa pa le a zahtakhuai mipa pen a lutang hi a, zuauthu a hilh kamsangpa pen a mei ahi hi.

Mattiu 22:14

“Bang hang hiam cih leh mi tampi a kisap hangin tawm bek a kiteel hi,” a ci hi.

Mattiu 24:11

Kamsang kineihkhem mi tampi hong piang ding a, mi tampi tak umkhialsak ding uh hi.

Mattiu 24:22

Pasian in tua gimna hun a ni khiam lo hileh a suaktazo kuamah om lo ding hi. Ahi zongin ama teel mite a khualna-in a ni a khiam ding hi.

Mattiu 24:25

A hun ma-in hong genkholkhin ka hih manin limtakin kidawm un.

Mattiu 24:31

Nakpi takin peengkul hong ging ding a, leitung mun khempeuhah a vantung mite hong paisakin, leimong khat pan mong khat dongin, a teelsa mite a kaikhawmsak ding hi.

Mattiu 24:5

Bang hang hiam cih leh keimah a kineih mi tampi hong pai ding a, ‘Kei, Khrih ka hi hi,’ ci-in mi tampi tak umkhialsak ding uh hi.

Mattiu 7:15

“Kamsang taktak a hilote na muh uh ciangin limtakin kikem un. Amaute in a tungthamah tuu lim hong pua-in, ahi zongin a sungtawng taktak uh ngia hangsan bang ahi uh hi.

Marka 13:22

Bang hang hiam cih leh Khrih kineihkhemte le kamsang kineihkhemte hong piang ding a, ahih zawhleh, a teelsa mite nangawn a khem nadingun lim le na lamdangte hong bawl ding uh hi.

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?

Johan 4:48

Jesuh in ama kiangah, “Note in lim le nalamdang lian ka bawl na muh kei uhleh Topa ka hihna thu na hong um kei ding uh hi,” a cih ciangin

Johan 6:37

Ka Pa in kei tungah a hong piak mi peuhmah ka kiangah hong pai ding a, ka kiangah a hong pai mi peuhmah ka hawlkhia kei ding hi.

Johan 6:39

Kei hong sawl pa’ deihna in: Ka khut sungah a hong piak mi khempeuh khat zong khahsuah loin nitawp ni ciangin ka hinsakkik ding ahi hi.

Sawltak 20:16

Paul in Jerusalem khua-ah Pentekos Pawi hun lapnuam ahih manin Asia gam sungah ban man dingin ngaihsun lo a, Efesa khua-ah taam sawm lo hi.

ROM (Romans) 12:18

Ahih theih laiteng mi khempeuh tawh na kilem nadingun hanciam un.

Galati 4:15

Tua hun laitakin lungdam mahmah napi-in tu-in a bangci ta na hi uh hiam? A hithei khat hileh, tua hunin na mittang nangawn uh khelkhia-in kei a hong pianuamte na hihna uh teltakin ka thei hi.

Thu-hilhkikna 13:1

“Note lakah kamsang khat ahi a, mangman khat ahi zongin hong khangin, lim ahi a, nalamdang ahi zongin hong lak a,

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

1 PETER MASA 1:5

Note’ upna hangin nitawp ni ciangin na ngah ding uh hotkhiatna nomau-a’ ahihna a kilatsak nadingin Pasian in ama vangliatna tawh a hong kepsak ahi hi.

2 PETER NIHNA 3:17

Tua ahih ciangin ka itte aw, hih thute theikhol unla, ngeina man zui lo mite’ khemna zuikha-in na bulkip panun na pukkhak loh nadingun na kidawm un.

1 JOHAN MASA 2:18

Tate aw, tu-in huntawpna hong naita hi. Khrih’ Gal hong pai ding hi, ci-in na zaksa uh mah bangin tu-in Khrih’ gal tampi tak hong tung khinta hi. Tua ahih ciangin bei nading nai taktakta hi, ci-in i thei hi.

1 JOHAN MASA 2:22

Tua ahihleh zuau thugen i cihte kuate ahi hiam? Jesuh pen Khrih hi lo hi, a cite ahi hi. Hih bangin thugente pen Khrih’ Gal hi a, amaute in Pa le Tapa a nihin nial uh hi.

1 JOHAN MASA 5:18

Pasian’ tate in mawhna bawlbawl lo uh hi. Pasian’ Tapa in amaute kem a, Dawimangpa in amaute susia zo lo hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.