Mattiu 24:13 - Tedim Bible

¹³ Ahi zongin a bei dongin a thuakzote in hotkhiatna ngah ding uh hi.

Tedim Bible Revision 2017

¹³ Ahi zongin a bei dongin a thuak zote in hotkhiatna ngah ding uh hi.

Mattiu 24:13 Iomraidhean Croise

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuakzo mite in hotkhiatna a ngah ding uh hi.

Mattiu 24:12

Gitlohna khang mahmah ding ahih manin ki-itna hong kiam ding hi.

Mattiu 24:6

A nai, a gamla-ah galkidona thu na za ding uh hi. Hihte a piang mah ding hi a, ahi zongin a bei nading hi nai lo ahih manin patau kei un.

Marka 13:13

Keima hangin Gentail mi khempeuh in note hong mudah ding uh a, ahi zongin a sih dongun a thuakzote in hotkhiatna a ngah ding uh hi.

Luka 21:19

Hih bangin thuakzo le-uhcin nuntakna taktak ngah ding na hih manun kiptakin om un.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

1 KORIN MASA 1:8

Ama hong kilatkik hun ciang dong, a tawp dongin mawhna le kisuanna nei loin na om nadingun i Topa Jesuh Khrih mah in note hong huh ding hi.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Hebru 3:14

A kipat tungin i neih lungmuanna kiptakin i let ciat nakleh i vekpi-in Khrih tawh pawlkhat ihi hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.