Mattiu 23:9 - Tedim Bible

⁹ Vantungah Pa khat bek nei na hih manun leitungah kuamah dang, Pa, na ci kei un.

Tedim Bible Revision 2017

⁹ Vantungah Pa khat bek nei na hih manun leitungah kuamah dang, ‘Paʼ na ci kei un.

Mattiu 23:9 Iomraidhean Croise

2 KUMPI NIHNATE 13:14

Tu-in a sih nading natna tawh Elisha a nat ciangin, Israel kumpipa Jehoash ama kiangah paisukin ama mai-ah kap a, “Ka pa, ka pa! Israel mite a hupipa!” ci-in a kiko hi.

2 KUMPI NIHNATE 2:12

Tua ciangin Elisha in tua mu-in amah kiko a, “Ka pa, ka pa! Israel mite a hupipa! Nang pai ta maw!” a ci hi. Tua ciangin amah in Elijah mu nawn lo hi. Tua ciangin Elisha in a dah manin a puan balkekin phel nih a suak hi.

2 KUMPI NIHNATE 6:21

Israel kumpipa in amaute a muh ciangin amah in Elisha kiangah, “Ka pa aw, amaute ka that ding hiam? Amaute ka that ding hiam?” a ci hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Mattiu 23:10

Topa dingin Khrih bek nei na hih manun note khatlekhat, ‘Topa,’ na kici kei un.

Mattiu 6:32

(Gentail mite in lunghihmawh penin a neihte uh hih bangte ahi hi.) Hih nate khempeuh na kisap lamtak uh vantungah a om na Pa un a thei hi.

Mattiu 7:11

Note mihoih lo hinapi-in na tate uh tungah na hoih piak ding ngaihsun thei na hih uhleh vantungah a om na Pa un a ngen mite tungah na hoihte hong piazaw mahmah ding hi lo ahi hiam?

Sawltak 22:1

“Pate, ute, khangualte aw, hih thu-ah bangmah ka mawh lohna thu kong gen laitakin na ngai un,” a ci hi.

1 KORIN MASA 4:15

Khrih thu hong hilh ding mi a tul a za-in na nei uh ahi zongin pa-a na neih ding uh kei bek a om ka hihna thu na phawk un. Bang hang hiam cih leh note kiangah lungdamna thu ka hong hilhna hangin Jesuh Khrih sungah nomau’ pa ka suak hi.

2 KORIN NIHNA 6:18

Kei pen note’ Pa hong hi-in, note, keima tate na hi ding uh hi,” na ci hi.

Hebru 12:9

Tua banah, i leitung pate in gim hong pia a, zong i zahtak lai hi. Tua ahihleh kha thu tawh kisai-ah i Pa’ thu mang phazaw-in i nuntak ding kisam hi.

1 JOHAN MASA 3:1

Pa Pasian in eite bangzah takin hong itna thu thei un. Ama hong itna lian mahmah ahih manin eite pen Pasian’ tate hong kici a, hong kicih mah bang ihi takpi hi. Leitung mite in tuhun ciang dong Pasian thei lo uh ahih manin eite zong a hong thei lo uh ahi hi.