Mattiu 23:35 - Tedim Bible

³⁵ Tua thu hangin, mawh nei lo Abel a kithah hun a kipanin biakinn le biakna tau kikal-a na thah uh, Barakhiah’ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Tedim Bible Revision 2017

³⁵ Tua thu hangin, mawhnei lo Abel a kithah hun a kipanin biakinn le biakna tau kikal a na thah uh, Barakhiahʼ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Mattiu 23:35 Iomraidhean Croise

Piancilna 4:8

Kain in a sanggampa Abel kiangah, “Gamlakah vak ni,” ci hi. Amaute gamlakah a om ciangin Kain in a sanggampa Abel a that hi.

2 KUMPI NIHNATE 21:16

Tua tham loin Topa’ muhna-ah amaute a sia a gamtat nadingun amah in Judah mite a khialhsak banah, Jerusalem mong khat pan mong khat sisan tawh a kidimsak dongin Manasseh in mawhna baang lo mi tampi a that hi.

Isaiah 14:21

Amaute khangto loin leitung a neih loh nading le leitung maitang teng khuapite tawh a kidimsak loh nadingin amau’ pate’ mawhna hangin a tate’ kithahna ding piang ta hen,” na ci ding uh hi.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

Jeremiah 2:30

Na tate uh thuhilhin ka sat hangin a mawkna suakzo ta hi. Amaute kibawlpha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Jeremiah 2:34

Mawhnei lo mizawngte’ sisan na puan tungah baang hi. Amaute in na inn hong luhngei beek lo uh hi. “Tua bang teng hinapi-in

Jeremiah 26:15

Kei nong thah uhleh bel, mawh nei lo mi khat na thah manun note mahmah a kipan hih khuapi le a sunga tengte in na thuak ding uh thei ta un. Bang hang hiam cih leh note’ bil mahmahin na zak dingun hih thute a gen dingin Topa’ hong sawl taktak ka hi hi,” a ci hi.

Jeremiah 26:23

amau in zong Egypt gam panin Uriah manin kumpi Jehoiakim kiangah a puak uh hi. Amah in tua pa namsau tawh thatin a luanghawm mi mawkmawkte’ kivuina munah a paai hi.

Jeremiah 26:8

Mi khempeuh tungah Topa in gen dingin a sawlteng Jeremiah in a gen khit ciangin siampite, kamsangte, le mi khempeuhte in amah man uh a, “Nang na sih ding kilawm hi.

Zekhariah 1:1

Persia gam uk Kumpipa Darias in a uk a kum nihna, a kha giatna sungin Topa in kamsang Zekhariah tungah thu a gen hi. Zekhariah pen Berekhiah’ tapa hi a, ama pu Iddo ahi hi.

Gamlak-vakna 35:33

Na tenna uh leitang na ninsak kei ding uh hi; bang hang hiam cih leh mi thahna in leitang ninsak a, a that mipa a kithah kei buang leh, tua mi kithahna leitang siansak nading thudang om thei lo hi.

Luka 11:51

Abel a kithah a kipan biakna tau le siangtho mun kikalah a kithat Zekhariah a sihna ciang dong, tua mi thahna hangin gimna a thuak ding uh hi. Ke’n kong cihin-ah, hih thute khempeuh hangin tuhuna mite gim hong kipia taktak ding hi.

Sawltak 5:28

“Hih mipa’ min tawh thu na hilh nawn loh nadingun khauhtakin thu kong pia uh hi. Tu-in na gamtatnasate uh thei un. Jerusalem khuasung khempeuhah thu na genthang uh a, ama sihna pen kote nong ngawh nuam uh hi,” a ci hi.

Hebru 11:4

A upna hang mah tawh Abel in Kain’ piakna sangin a santheih huaizaw biakpiakna Pasian’ tungah a na pia hi. Pasian in ama biakna na sang ahih manin a upna hangin mihoih hi, ci-in Pasian’ pahtakna a na ngah hi. Abel a sihzawh a sawtpi hikhin napi-in tu dong mahin upna thu a hong gengen lai a suak hi.

Hebru 12:24

thuciamna thak a hong vaihawm Jesuh kiang, Abel’ sisan sangin thu hoihzaw a gen sisan a kithehna mun na tungzo uh hi.

Mangmuhna 18:24

Nang Babylon khuapi, hih bangin gim hong kipiakna pen kamsangte le mi siangtho a kithatte’ sisan le leitungah a kithat mi khempeuh’ sisan nangma sungah a kimuhna hang ahi hi,” a ci hi.