Mattiu 23:33 - Tedim Bible

³³ Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Tedim Bible Revision 2017

³³ Gul a bang miteʼ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Mattiu 23:33 Iomraidhean Croise

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Isaiah 20:6

Tua ni ciangin hih tuipi gei-a teng mite in, ‘En un, eite’ lametna, Assiria kumpipa’ kiang panin eite hong honkhia dingin i belh mite’ tungah hih bang piang khinta hi. Eite bangci suahtak ding ihi hiam?’ ci ding uh hi,” a ci hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Mattiu 23:32

Tua ahih manin i pu i pate’ maban zomto vet un.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Luka 3:7

Ama tuiphum ding utin a hong pai mi tampite kiangah Johan in, “Gul bangin ngian a zang note aw, hong tung ding Pasian’ hehna panin na suahtak theih nading uh kua in hong gen ahi hiam?

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

2 KORIN NIHNA 11:3

Ahi zongin gulpi in ama zuau ngian tawh Eve a khemzawh bangin na lungsim uh kihei-in Khrih tungah na kipiaknate uh na nusiatkhak ding uh ka lunghimawh hi.

Hebru 10:29

Tua bang ahihleh Pasian’ Tapa a simmawh, mawhna a hong maisak Pasian’ thuciamna sisan a thudon lo, Pasian’ hehpihna a hong puak Kha Siangtho a hehsakte’ thuak ding bangzah takin lianzaw kan ding ahi hiam?

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.