Mattiu 23:26 - Tedim Bible

²⁶ A mittaw Farisi mite aw, a pualam zong a siangtho a suahtheih nadingin hai le kuang sunga a om nate a siangtho hisak phot un.

Tedim Bible Revision 2017

²⁶ A mittaw Farisi mite aw, a pualam zong a siangtho a suah theih nadingin hai le kuang sunga a om nate a siangtho hisak phot un.

Mattiu 23:26 Iomraidhean Croise

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Jeremiah 13:27

Na kihhuainate, na angkawmna, na hukna le gamlak mualtungah numei paktat bangin milim pasian peuh na biak kawikawinate ka muzo hi. Jerusalem aw, gimna ngah ta in. Na siantho nadingin bang tanvei sawt ding ahi hiam, a ci hi.

Jeremiah 4:14

Jerusalem khua aw, nang hong kihotkhiat nadingin na lungsim sung panin gitlohna sawpkhia in. Na sungah gitlohna lungsim bang tanvei kemcip ding na hi hiam?

Ezekiel 18:31

Na gamtatnasa uh mawhna khempeuh nusia unla, na lungsim uh le na ngaihsutna uh thaksuaksak un. Bang hangin no Israel mite si nuam na hi uh hiam?

Mattiu 12:33

“Singgah limci a gahtheih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Mattiu 14:8

Tua numei in zong a nu’ ngaihsut piakna zui-in, “Kuangdai khat sungah Tuiphumpa Johan’ lutang, hih lai mahmahah hong pia in,” ci-in a ngen hi.

Marka 7:4

Nektheih zuakna panin a kilei nate zong amau teek mah in a sawp kei uhleh ne lo uh hi. Khanglui ngeina a zuih uh, hai khawng, beel khawng, sumngo kibawl beellekuang khawngte sawp ding cih ngeina a zuih uh tampi om hi.)

Luka 11:39

Tua ciangin Topa in ama kiangah, “No Farisi mite in hai leh kuangte a pualam na siangsak uh a, ahi zongin note na lungsim sung uhah huaihamin na gi kei uh hi.

Luka 6:45

Mihoih pa in a lungsim sunga thuhoih omteng hong suahkhia a, migilo pa in a lungsim sunga a gitlohna teng hong suahkhia hi. Bang hang hiam cih leh mite pen amau’ lungsim sunga a om bangbang a hong paukhia uh ahi hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Hebru 10:22

Tua ahih manin mawhna thu-ah kisuanna lungsim om nawn loin, tui siangtho tawh i pumpi a kisawpsa-in muanna le lungsim takpi tawh Pasian kiang zuan ni.

Jeim 4:8

Pasian kiang nai un. Amah in zong hong nai ding hi. Mawhneite in na khut uh silsiang unla, a kineihkhemte in na lungsim uh siangsak un.