Mattiu 23:24 - Tedim Bible

²⁴ A makai ding hinapi-in, mittaw bangin bangmah tum loteng thupi ngaihsutin, a thupiteng na nusiakha uh a, tui tawh na dawnkhop khak loh nadingun thovai khaih napi-in kalaoh a nawmvalhkha tawh na kibang uh hi.

Tedim Bible Revision 2017

²⁴ A makai ding hi napi-in, mittaw bangin bangmah tum loteng thupi ngaihsutin, a thupi teng na nusia kha uh a, tui tawh na dawn khop khak loh nadingun thovai khaih napi-in kalaoh a nawmvalh kha tawh na kibang uh hi.

Mattiu 23:24 Iomraidhean Croise

Isaiah 9:16

Bang hang hiam cih leh hih minam a makaihte in lam khialsak a, amau’ makaih mite in siatna ngah uh hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

Mattiu 19:24

Adang khat hong gen leuleu ning: Pasian ukna sungah mihau khat a lut ding sangin phim bilvang sungah kalaoh khat a lut ding baihzaw lai hi,” a ci hi.

Mattiu 23:16

“Mittaw a bang lamhilhte aw, note in gimna na thuak ding uh hi. Bang hang hiam cih leh note in, ‘Mi khat biakinn tawh a kiciam leh phamawh lo a, ahi zongin biakinn sunga a om kham tawh a kiciam leh a kiciamna in len hi,’ na ci uh hi.

Mattiu 7:4

Nangma mit sungah singluang a tang kimlai, bangci-in na lawmte kiangah, ‘Na mit sunga ninthem tang hong lakkhiatsak ning,’ ci thei ding na hi hiam?

Johan 18:28

Tua ciangin Kaiafas’ inn panin gam ukpa Pilat’ omna kumpi inn-ah Jesuh a paipih uh hi. Tua hun pen zingsang tung ahi hi. Jew mite ahihleh Paisan Pawi annekna sungah kihel nuam uh ahih manin biakna vai-in a siang a suahtheih nadingun kumpi inn huang sungah lut lo uh hi.

Johan 18:40

amaute awng gawpin, “Hih mipa khah kei in! Barabbas hong khah in!” ci-in a dawng uh hi. (Barabbas pen mi suamin thongkia khat ahi hi.)

Mangmuhna 12:16

Ahi zongin leitung in tua numei na huh a, gulpi kam panin a luang tuite a kam tawh na hupkang hi.