Mattiu 23:23 - Tedim Bible

²³ “Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala, le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupizaw ahi thutang, hehpihna, le thumante na don kei uh hi. Adangte nusia tuan loin hih thute na zuih ding uh ahi hi.

Tedim Bible Revision 2017

²³ “Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupi zaw ahi thutang, hehpihna le thumante na don kei uh hi. A dangte nusia tuan loin hih thute na zuih ding uh ahi hi.

Mattiu 23:23 Iomraidhean Croise

Paunak 21:3

Topa in biakpiakna sangin thuman thutang deihzaw hi.

Isaiah 28:25

Amah in lei a zalhtam khit ciangin masala tang vawhin, kummin tang tuh a, mangbuhte a gualgualin tuhin, mangbuhham a omna ding sanah tuh a, mangbuhhamte a nawl hui-ah tuh hi lo ahi hiam?

Jeremiah 22:3

Topa in a cihin-ah, thumanin diktat unla, a bawlsiate’ khutsung panin bawlsiatna a thuak mite honkhia un. Minam dangte, pa nei lote le meigongte simmawhbawl kha loin amau’ tungah ngongtat kei unla, hih munah zong mawhna nei lo mite that kei un.

Hosea 6:6

Keima deih pen nong it tawntung ding uh hizaw a, gan tawh nong biakna uh ka deih pen hi lo zaw hi. Gan tawh nong biakna uh sangin kei nong theih ding uh ka deihzaw hi.

Siampi Laibu 27:30

“Leitang panin a piang khempeuh khaici hitaleh singgah hitaleh sawm-ah-khat Topa a’ hi a, Topa a dingin siangtho hi.

Micah 6:8

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Mattiu 12:7

Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ a cihnopna thu teltakin thei le-uhcin a mawh lopi kimlai na mawhsak kei ding uh hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Luka 11:42

“No Farisi mite in gimna na thuak ding uh hi. Note in Pasian tungah lengmasel, thuambuak a kipan anteh theipuam dongin sawm-ah-khat pia napi-in, mite tungah thuman ding le Pasian it ding na donkha kei uh hi. Hihte khempeuh na hihkim ding uh hi a, paihkhiat na neih ding uh hi lo hi.

Luka 18:12

Nipikal khatin ni nih sung an ka tang a, ka ngah khempeuh sung panin sawm-ah-khat nang tungah kong pia hi,’ a ci hi.

1 SAMUEL MASA 15:22

Tua ciangin Samuel in, “Topa in meihal biaknate le biakpiaknate Topa’ thu man’ ding zahin deih ahi hiam? En in, biakpiakna sangin thu man’ ding hoihzaw a, tuutal thaute sangin thu ngaih ding hoihzaw hi.