Mattiu 23:2 - Tedim Bible

² “Thukham hilh siate le Farisi mite, Moses’ aana a nei-in thugente ahih manun,

Tedim Bible Revision 2017

² “Thukham hilh siate le Farisi mite, Mosesʼ aana a nei-in thugente ahih manun,

Mattiu 23:2 Iomraidhean Croise

Ezra 7:25

“Tua hi a, nang Ezra in nang tungah hong kipia na Pasian’ pilna tawh kizui-in Eufratis Gungal gam sunga mite thu a khen dingin na Pasian’ thukham a thei mite seh in. Nang le amaute in na Pasian’ thukham a thei lote na hilh ding uh hi.

Ezra 7:6

hih Ezra pen Babylon panin hong tungto hi. Amah pen Israel Pasian, Topa in a piak Moses thukham a siam laithei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

Malakhi 2:7

Siampite’ nasep pen Pasian a manin theih nading a hilh ding uh ahi hi. Amaute pen, Vanglian Topa’ kamtaite ahih manun, mite in keima deihna a theih nadingun amaute’ tungah thu a dot ding uh ahi hi.

Mattiu 23:3

amaute’ gen khempeuh zui-in sem unla, ahi zongin amaute pen a gen bangun gamta lo uh ahih manin amaute’ gamtat bangin gamta kei un.

Marka 12:38

Jesuh in a thuhilhna-ah, “Thukham hilh sia pawlkhatte na bat khak loh nadingun na kidawm un. Amaute in puantualpi silhnuam uh a, mite lakah mite in a zahtak hopih ding a deih uh hi.

Luka 20:46

“Thukham hilh siate na batkhak loh nadingun kidawm un. Amaute in puantualpi silhnuam uh a, mihon lakah a kizahtak hopih ding deihin, kikhopna innsung le pawi lakah a om uh ciangin uliante’ tutna mun hoihte bekah tunuam uh hi.

Thu-hilhkikna 33:3

Hi taktak hi; amah in a mite it a, ama tungah a ki-ap mi khempeuh a khut sungah om hi. Tua ahih ciangin amaute in na kalsuanna hong zui uh a, nang tung panin lamlahna ngah uh hi.