Mattiu 23:14 - Tedim Bible

¹⁴ “Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zangmang uh a, mite in mihoih hong saktheih nading na deihna-un thu saupipi na ngen uh hi. Hih bangin na gamtatna uh hangin na gim thuak ding uh nasiazaw kan lai ding hi.

Tedim Bible Revision 2017

¹⁴ “Mihoih a kineihkhem, no Thukham hilh siate le Farisi mite in gimna na thuak ding uh hi. Meigong numeite tungah nuamtak sa-in a neihsa teng uh laksakin na zang mang uh a, mite in mihoih hong sak theih nading na deihna-un thu sau pipi na ngen uh hi. Hih bangin na gamtatna uh hangin na gim thuak ding uh nasia zaw kan lai ding hi.

Mattiu 23:14 Iomraidhean Croise

JOB (Job) 22:9

Meigongte a huh nuam lo ciang bek hi loin, mi tagahte bawlsia-in a neihsa uh na sut hi.

JOB (Job) 31:16

“Mizawngte ka huh ding ka mangngilh ngei kei a, meigong numeite ka guaksuaksak ngei kei hi.

Paikhiatna 22:22

Meigong numei ahi a, tagah ahi zongin na gimsak kei ding uh hi.

Mattiu 11:24

Tua ahih manin thukhen ni ciangin note’ thuakna sangin Sodom khuamite’ thuakna baihzaw lai ding ahihna thu phawk ta un,” a ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Marka 12:40

Meigong numeite tungah nuamtaksa-in a neihsate laksakin zangmang uh a, mite in mihoih a saktheih nading uh a deihna hangun thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Luka 12:48

Ahi zongin a topa’ deihna a theih lohna hangin satthuak nading a gamtakha nasem pa pen kidamsat zawdeuh ding hi. Tampi a kipiakna pa tung pan tampi kikal ding a, a tamzaw a ki-apna pa tung pan a tamzaw kikal ding hi,” ci-in a dawng hi.

Luka 20:47

Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

2 TIMOTI NIHNA 3:6

Tua bang mite pawlkhat, mite inn-ah va hawh khiankhianin, deihna nam tuamtuam le mawhna lungsim tawh a kidim numeite na thuzawh uh hi.

Titu 1:10

Bang hang hiam cih leh thu a mang lo, thu a mawk gengen, mi a khem thei, a diakdiakin Jew ngeina bangin vun-at nading thu a gen tampi tak a om uh hi.

Jeim 3:1

Sanggamte aw, mite tungah thu a hilh eite pen midangte sangin a khauhzaw-in thu hong kikhen ding ahih manin note tampi sia na suaknuam se kei un.

2 PETER NIHNA 2:14

Numei bekbek etnopin nei uh a, a mawhnopna lungsim uh kam thei lo hi. Upna cingtaak lo mite zol belin nei uh a, huaihamna lungsim bekbek a nei uh hi. Tua bang mite, Pasian’ samsiat mite ahi uh hi.

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.