Mattiu 22:5 - Tedim Bible

⁵ Ahi zongin a khohsa mite in na thusim lo uh a, pawlkhat in lo na kuansanin, pawlkhat in a sumbukah na paisanin,

Tedim Bible Revision 2017

⁵ Ahi zongin a khoh sa mite in na thusim lo uh a, pawl khat in lo na kuan sanin, pawl khat in a sumbuk ah na paisanin,

Mattiu 22:5 Iomraidhean Croise

Piancilna 19:14

Tua ahih ciangin Lot paikhia-in a tanute a tenpih dingte kiangah, “Manlangin hih khua panin paikhia un. Bang hang hiam cih leh Topa in hih khuapi a susia ding hi ta hi,” a ci hi. Ahih hangin amah pen a mak dingte tungah a ciamnui bang lel hi.

Piancilna 25:34

Tua ciangin Jakob in an le bemeh Esau a pia hi. Esau in zong an ne-in tui a dawn khit ciangin a pai nading a zuan hi. Tua ahih manin Esau in a innluahza tua ciang bang bekin a ngaihsun ahi hi.

Paunak 1:7

Topa zahtakna in pilna kipatna hi a, mihaite in pilna le thuhilhna don lo uh hi.

Mattiu 13:22

Lingbulsum omna leilakah a tu khaicite pen Pasian’ thu za napi-in amau nuntakna sung uhah leitung lunghihmawhna le hauh nopnate in Pasian’ thu vuknelh ahih manin bangmah a suakkhia zo lote a cihnopna ahi hi.

Mattiu 22:4

Tua ciangin nasem dangte sawl leuleu a, ‘Ka khohsaksa mite kiangah hih bangin va gen un: Ka bawngtalte le ka bawngno thaute kigo khin a, nitak an a minsa-in a om banah, na khempeuh a mansa-in om khinta hi. Mopawi an ne dingin hong pai ta un, ci hi, ci-in va gen un,’ a ci hi.

Mattiu 22:6

adangte in a nasemte manin a na satgawp khit uh ciangin a na that uh hi.

Johan 2:16

Tua ciangin kawl vakhu zuakte kiangah, “Na kawl vakhute uh hih lai panin paikhiatpih un. Ka Pa’ inn pen sumzuakna inn phualpi-in nei kei un,” a ci hi.

Sawltak 2:13

Ahi zongin mi pawlkhatte in hih Jesuh a umte simmawhbawl uh a, “Zukham ahi uh hi,” ci-in a zahko uh hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading, le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawkkha loin, a migitna, a lungduaina, a hong thuaknate neu ngaihsutkha na hi uh hiam?

ROM (Romans) 8:6

I ngaihsutna, i pumpi deihna uksak lehang sihna tawh kizom hi; i ngaihsutna, Kha Siangtho uksak lehang nuntakna le nopsakna tawh a kizom hi.

2 TIMOTI NIHNA 3:4

ciampelin, thu khual loin, kiphasak gawpin, Pasian don loin pumpi nopsakna bek deihin,

Hebru 2:3

Tua ahih manin a thupi mahmah hih hotkhiatna thudon loin i om leh suahtakna om thei ngei lo ding hi. A masa-in Topa mahmah in hotkhiatna thu hong pulak a, tua thu a za mite in thuman ahihna thu eite tungah hong gen leuleu uh hi.

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.