Mattiu 22:4 - Tedim Bible

⁴ Tua ciangin nasem dangte sawl leuleu a, ‘Ka khohsaksa mite kiangah hih bangin va gen un: Ka bawngtalte le ka bawngno thaute kigo khin a, nitak an a minsa-in a om banah, na khempeuh a mansa-in om khinta hi. Mopawi an ne dingin hong pai ta un, ci hi, ci-in va gen un,’ a ci hi.

Tedim Bible Revision 2017

⁴ Tua ciangin nasem dangte sawl leuleu a, ‘Ka khohsak sa mite kiangah hih bangin va gen un: Ka bawngtalte le ka bawng no thaute kigo khin a, nitak an a min sa-in a om banah, na khempeuh a man sa-in om khinta hi. Mopawi an ne dingin hong pai ta un, ci hi, ci-in va gen un,’ a ci hi.

Mattiu 22:4 Iomraidhean Croise

Nehemiah 9:17

Amaute in thu mang nuam lo uh a, amaute lakah na bawl na lamdangte ngaihsun kha lo uh hi. Amaute lungkhauh niloh uh a, a salsuahna uh Egypt-ah a paipih kik dingin makai khat seh uh hi. Ahi zongin nang pen mawhna a maisak nuam, dikin hehpihna a nei, lungduai-in itna kip a nei Pasian na hi a, amaute na nusia tuan kei hi.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Paunak 15:17

Kitawngtawng kawmin sameh limpen nekna sangin ki-it diamdiamin anteh meh nek hoihzaw hi.

Solomon la 5:1

Itluat ka lawmnu aw, ka huansung hong tungzo ing. Ka paknamtuite ka kaikhawm hi. Ka khuaizu le ka khuailuzu ka ne a, ka leenggahzu le ka bawngnawite ka dawn hi. Nungak le tangval aw, na lungkim piikpeek dongun ne-in dawnin nuamsa un.

Mattiu 21:36

Tua ciangin lo nei pa in a masa-a sangin nasem a tamzaw va paisak leuleu a, ahi zongin a masa-a mah bangin a nasemte a na bawlsia veve uh hi.

Mattiu 22:5

Ahi zongin a khohsa mite in na thusim lo uh a, pawlkhat in lo na kuansanin, pawlkhat in a sumbukah na paisanin,

Mattiu 22:8

Tua ciangin a nasemte kiangah, ‘Mopawi an a baihsa-in om a, ahi zongin ka sap mite a ne dingin a kilawm lo mi a suak uh hi.

Luka 14:17

Annek ding hun ciangin a nasempa sawl a, ‘Tu-in na khempeuh a baihsa-in omkhin ahih manin hong paita un,’ ci-in a khohsa mite a samsak hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Sawltak 13:46

Tua ciangin Paul le Barnabas in hangtakin thu gen uh a, “No Jew mite tungah Pasian’ thu kong gen masak ding mah uh ahi hi. Ahi zongin note in Pasian’ thu nialin, nuntak tawntungna a ngah dingin kilawmzo kisa lo na hih manun, note kiang panin paikhia-in Gentail mite kiangah ka pai ding uh hi.

ROM (Romans) 8:32

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?