Mattiu 22:3 - Tedim Bible

³ Mopawi siim dingin a khohsa mite a sam dingin a nasemte sawl a, ahi zongin kuamah pai lo hi.

Tedim Bible Revision 2017

³ Mopawi siim dingin a khoh sa mite a sam dingin a nasemte sawl a, ahi zongin kuamah pai lo hi.

Mattiu 22:3 Iomraidhean Croise

Late 68:11

Topa in thu pia hi: Hih thu a pua mihonte tam mahmah uh a,

Isaiah 30:15

Bang hang hiam cih leh Israel-te’ Siangtho Pa, Topa Pasian in, “Kihei kikna le khawlna bek tawh note in suahtakna na ngah ding uh hi. Daitakin omna le muanna pen nomau’ thahatna hi ding hi,” a ci hi. Ahih hangin note na tuaci kei uh a,

Jeremiah 25:4

Topa in ama nasem ahi kamsangte khempeuh hong sawl tawntung hinapi-in note in ngai loin na bil uh na ngat kei uh hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak-uhleh note le na pu na pate uh kiangah ka piak gam sungah na teng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Hosea 11:2

Ahi zongin limsap semsem leng gamla pai semsem hi. Ka mite in Baal tungah biakna pia uh a, milim biakna-in paknamtui a hal uh hi.

Hosea 11:7

Ka mite in kei kiang panin pial ding ngaihsun tawntung uh ahih manin amaute in kolbulhna thuak ding uh a, kuamah in a kol sutsak lo ding hi.

Zefaniah 1:7

Topa Pasian’ mai-ah gamdai takin om un! Topa’ ni hong naita hi. Topa in biakna-a sa gawh bangin a mite a go dingin kithawi a, a gawh ding mite siansuah khin hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Mattiu 23:37

“Jerusalem, Jerusalem aw, kamsangte na that a, Pasian’ sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Mattiu 9:15

Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

Luka 13:34

“Jerusalem, Jerusalem aw, kamsangte na that a, Pasian’ hong sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Luka 15:28

A ta uzaw pen a heh suak mahmah ahih manin inn sungah zong hong tum nuam lo hi. Tua ahih manin a pa va pusuakin, a ta hong sungtumna dingin a zol hi.

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Johan 5:40

na nuntak theih nadingun kei kiangah nong painuam kei veve uh hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paul’ thugente a man lopi hi, ci-in Paul a gensia uh hi.

ROM (Romans) 10:21

Tua ciangin Israel mite tawh kisai-in, “Ka thu a mang lo, kei hong langpang mite tawh ka kilemkik theih nadingin a tawntungin ka hanciam hi,” ci-in a na gen hi.

Hebru 12:25

Tua ahih manin note tungah thu a hong gen pa’ thugen na ngaih loh khak ding uh kidawm un. Hih leitungah thu a gen pa’ thu a ngai lote suakta lo ahih manin vantung panin thu a hong gen pa’ thugen ngai kei lehang i suakta kei zaw kan lai ding hi.

Hebru 9:15

Thuciamna masa in a huamkhak mite, a mawhna panun a suahtak theih nading uh ngeina om pen a si suak khinta ahih manin, Pasian’ sap mite in a ciamsa tawntung thupha a ngahtheih nadingun Khrih in thuciamna thak a hong vaihawm ahi hi.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.

1 SAMUEL MASA 9:13

Khuapi sung na lut phetun mualtung a biakna-ah an ne dingin a pai ma-in amah na mu ding uh hi. Amah in biakpiakna thupha pia ding ahih manin ama pai mateng mite in an ne lo ding uh hi. Thupha a piak khit ciangin a kisam mite in ne thei pan uh hi. Tu-in paito un; bang hang hiam cih leh amah na tuakpah ding uh hi,” a ci uh hi.