Mattiu 22:16 - Tedim Bible

¹⁶ Amau’ nungzuite le Herod mi pawlkhat, Jesuh kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtaktuam nei lo na hih manin midangte’ pau ding bangmah phamawhsa loin Pasian in mite’ gamtat ding a deihna bangin tangtakin thu na hilh tawntung hi.

Tedim Bible Revision 2017

¹⁶ Amauʼ nungzuite le Herod mi pawl khat, Jesu kiangah a paisak uh hi. Amaute in, “Sia aw, thu ahi bang a gen tawntung na hihna thu ka thei uh hi. Mite kuamah zahtak tuam nei lo na hih manin midangteʼ pau ding bangmah phamawh sa loin Pasian in miteʼ gamtat ding a deihna bangin tangtakin thu na hilh tawntung hi.

Mattiu 22:16 Iomraidhean Croise

1 KUMPI MASATE 22:14

Ahih hangin Mikaiah in, “Topa a nungta ahih mah bangin, Topa in kei tungah hong gen thu ka gen ding hi,” a ci hi.

Late 12:2

Mi kim in a vengte kiangah zuauthu gen ciat a, phat khemna kam zol le lungsim nam nih tawh thu a gen uh hi.

Late 5:9

Bang hang hiam cih leh amau sungah thuman om lo hi. Amau lungsimah siatna bek ngaihsun uh a, amau’ gawlgui pen a kihongsa hankhuk tawh kibang hi. A kam uh tawh mawk phat uh hi.

Late 55:21

Ama kampau, thawhbat sangin nelzaw a, ahi zongin a lung sungah muhdahna om hi. A kammalte sathau sangin nipzaw a, ahi zongin tuate pen namsau hiam mahmah tawh kibang hi.

Paunak 29:5

A man lopi-in mi khat mawkphatna pen a awk nadingin thangsiahna ahi hi.

Malakhi 2:6

Amaute in thuman taktakte mah hilhin gen uh a, amaute’ kam panin zuauthu gingkhia lo hi. Ka deihna bangin amaute gamta uh a, a khial ding mi tampite, thuman lamah a paisak uh hi.

Malakhi 2:9

Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah uh bangin, kei zong mi khempeuh mai-ah simmawhna le niamkhiatna kong ngahsak ding hi,” a ci hi.

Mattiu 22:24

“Sia aw, Moses in, ‘Mi khat ta nei loin a sih leh tua a si mipa’ khang a kizop theih nadingin a naupa in a u’ zi luah ta hen,’ ci hi.

Mattiu 22:26

Tua mah bangin a nihna, a thumna a kipan a sagihna dongin ta nei loin a si uh hi.

Mattiu 26:18

Jesuh in, “Jerusalem khua sungah va pai unla, tua mipa kiangah, ‘Siapa in, “Ka hun hong naita hi. Na inn-ah ka nungzuite tawh Paisan Pawi an ka hong ne ding uh hi,” ci hi,’ va ci un,” a ci hi.

Mattiu 26:49

Judas zong Jesuh kiangah hong paipahin, “Topa aw, thupha ngah ta in,” ci-in hopihin limnap mahmah hi.

Marka 10:17

Jesuh in a khualzinna a zom dingin a paikhiat ding laitakin mi khat hong tai-in a mai-ah hong khukdin a, “A dik siapa aw, nuntak tawntungna ka ngah nadingin bang hih ding ka hi hiam?” a ci hi.

Marka 12:13

Tua ciangin Jesuh ama kampauna tawh a kimat theih nadingin Farisi mi pawlkhat le Herod mi pawlkhat Jesuh kiangah thudong dingin hong kisawl hi.

Marka 12:14

Amaute in, “Sia aw, nangmah in thutang genin, midangte’ pau ding phamawh na sak lohna, uliante’ maitang zahtak tuan loin, Pasian in mite a gamtat dingin a deihna thute tangtakin na hilhna ka thei uh hi. Tua ahih manin Rom Kumpipa Sisar tungah siah i piak ding kilawm ahi hiam, kilawm lo ahi hiam?

Marka 3:6

Tua ahih ciangin kikhopna inn panin Farisi mite paikhia-in Herod pawlte kimkhat tawh kikhopna neipah uh a, Jesuh a thahtheih nading uh a vaihawm uh hi.

Marka 8:15

Jesuh in, “Farisi-te’ silngo le Herod pawlte’ silngo kidawm un,” ci-in a hilhkhol hi.

Luka 20:21

Hih thukante in Jesuh kiangah, “Sia aw, na thuhilhnate le na thugente man mahmah hi. Nang in miliante zahtakbawl tuan loin, Pasian’ thu a mantakin na hilhna ka thei uh hi.

Luka 7:40

Tua ciangin Jesuh in, “Simon aw, kong gennop khat om hi,” a ci hi. Simon in, “Sia aw, bang hong gennuam na hi hiam?” a cih ciangin

Johan 14:6

Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.

Johan 18:37

Tua ciangin Pilat in, “Tua ahihleh nang kumpi hi lo na hi hiam?” a cih leh Jesuh in, “Kumpi hi, nangmah in na hong ci hi. Hih thuman a genkhia dingin mi hong suakin leitungah a hong pai ka hi hi. Hih thuman tawh a kizom mi peuhmah in keima thugen hong zui uh hi,” a cih ciangin

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

2 KORIN NIHNA 2:17

Ahi zongin kote pen, van gina tum lo a zuak mite tawh a kibang ahi, Pasian’ thu a gen mawkmawk midangte bang ka hi kei uh a, Pasian in a nasem dingin kote hong sawl ahih manin Khrih nasem hihna tawh ama mai-ah lungsim takpi tawh thugente ka hi uh hi.

2 KORIN NIHNA 4:2

Ka thuhilhna uhah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang hetkei uh hi. Pasian muhna-ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

2 KORIN NIHNA 5:16

Tua ahih manin kote in mihingte’ ngeina zia tawh kuamah ka en nawn kei uh hi. Khrih mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

Galati 1:10

Hih bangin thu ka gen ciangin mite’ hong pahtak theih nading a zong tawh kibang na hong sa uh hiam? Mite’ pahtak ding a ut ka hi kei a, Pasian’ hong pahtak ding a hanciam ka hi hi. Mihingte’ hong pahtak theih nadingin a gamta hi zenzen leng, Khrih’ nasem ka hi kei ding hi.

Galati 2:6

Jerusalem khua-a om makai lian a kinei mite in kei’ nasepna tawh kisai thu-ah bangmah genthuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Thu-hilhkikna 33:9

A nu le a pa sangin nangmah hong thupi ngaihsutzaw uh a, ‘Amaute ka thupi sim kei hi,’ a ci pa ahi hi. Amah in a sanggamte paaikhia-in, a tate don lo hi. Bang hang hiam cih leh Levi minamte in na thu hong mangin, na thuciamna zui uh hi.

1 THESALONIKA MASA 2:4

Pasian in kote hong thei-in Lungdamna Thu a hilh dingin kilawm hong sa ahih mah bangin mite’ lungdam theih nadingin thu a hilh hi loin kote’ lungsim ngimna a hong thei Pasian’ lungkim nadingin thu a hilh ka hizaw uh hi.

Jeim 3:17

Ahi zongin tunglam panin a kingah pilna a siangtho ahi hi. Mi tawh kilem thei-in dik a, mi tawh kikhawl thei a, hehpihna lungsim nei-in gamtat hoih a, mi lang-et lo a, kineihkhem cihte om lo hi.

1 JOHAN MASA 5:20

Pasian’ Tapa hong pai-in eite thu hong theisak ahih manin Pasian taktak a thei ihihna thu i thei hi. A Tapa Jesuh Khrih tawh i kipawlna hangin Pasian taktak mah tawh a kipawlthei ihi hi. Tua Jesuh pen Pasian taktak mah hi a, nuntak tawntungna a piathei ahi hi.