Mattiu 21:6 - Tedim Bible

⁶ Nungzui tegel zong Jesuh sawl bangin va pai uh hi.

Tedim Bible Revision 2017

⁶ Nungzui tegel zong Jesu sawl bangin va pai uh hi.

Mattiu 21:6 Iomraidhean Croise

Piancilna 12:4

Tua ciangin Topa’ gensa bangin Abram pai a, Lot in zong a zui hi. Haran panin a paikhiatin Abram kum sawmsagih le nga a pha hi.

Piancilna 6:22

Noah zong tua bangmahin gamta a, Pasian’ thupiak khempeuh a hih hi.

Paikhiatna 39:43

Moses in nasep khempeuh vel a, amaute in Topa’ thupiaksa bangin a bawl khitna a mu hi. Tua ciangin Moses in amaute thupha a pia hi.

Paikhiatna 40:16

Moses in zong Topa in amah a thupiaksa khempeuh tawh kituakin a hih hi.

Ezekiel 12:7

Kei zong Topa’ hong sawl bangin ka gamta hi. Galtaite’ hih ding bang teekin tua sunin ka van guangin, tua nitak khuamial ciangin ka khut tawh kawm ka sulet hi. Amaute’ muh mahin ka liangko-ah van kisuanin ka paikhia hi.

Mattiu 21:5

Tua a genna-ah, “En un, na kumpipa uh hong pai hi. Kiniamkhiatna tawh lapi tung le lano tungah tuangin hong pai hi, ci-in Zion khuamite kiangah gen un,” a ci hi.

Mattiu 21:7

Amaute in a la nuta hong paipih uh a, a tungah a puante uh a phah khit uh ciangin Jesuh a tuang hi.

Johan 15:14

Ka hong thupiak bangin na gamtat uhleh ka lawmte na hi uh hi.

1 SAMUEL MASA 15:11

“Kumpi-in Saul ka koih ka kisik hi. Bang hang hiam cih leh amah pen keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi.