Mattiu 21:46 - Tedim Bible

⁴⁶ Jesuh a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Tedim Bible Revision 2017

⁴⁶ Jesu a man dingin kithawi uh a, ahi zongin mihonte in kamsang khatin ngaihsun uh ahih manin mihonte a kihtak manun a man ngam kei uh hi.

Mattiu 21:46 Iomraidhean Croise

Paunak 15:12

A kihisak mite in kithuhilhna ngai nuam lo uh a, mipilte kiangah thu dong ngei lo uh hi.

Isaiah 29:1

Pasian’ biakna tau, Jerusalem khuapi, David in a sat khuapi, a sia ding hita hi. Kumte, a banbanin paipai sak unla, pawite zong a ngeina bangin kot paipai sak un.

Mattiu 21:11

Mihonpite in, “Galilee gam Nazareth khua pana kamsang Jesuh hi,” ci-in a dawng uh hi.

Mattiu 21:26

Ahi zongin, “Mihingte kiang pan hi,” ci leuleu lehang, mi khempeuh in Johan pen kamsang hi, ci-in ngaihsun uh ahih manin mihonte i kihta zel hi, kici uh hi.

Mattiu 21:45

Siampi liante le Farisi mite in hih thugentehna a zak uh ciangin amaute a cihnopna-in a gen ahihlam a phawk uh hi.

Mattiu 22:1

Jesuh in amaute kiangah thugentehna dang khat zangin thu hilh a,

Marka 11:18

Siampi liante le Thukham hilh siate in hih thu a zak uh ciangin Jesuh a thahtheih nading uh lampi a zong uh hi. Ahi zongin mihonpi in ama thuhilhna lamdangsa uh ahih manin amaute in Jesuh a kihta uh hi.

Luka 7:16

Amaute khempeuh in lamdangsa mahmah uh a, Pasian min phatin, “Eite lakah kamsang lian khat hong om khinta a, a mite a honkhia dingin Pasian hong pai khinta hi,” a ci uh hi.

Luka 7:39

Jesuh a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numeinu a bangci mi ahi hiam cih thei ding a, ama gamtat hoih lohna teng zong thei ding hi,” a ci hi.

Johan 7:30

Tua ciangin amaute in Jesuh mat ding hanciam uh hi; ahi zongin ama hun tung nai lo ahih manin kuamah in va su lo hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.