Mattiu 21:44 - Tedim Bible

⁴⁴ Hih suang tungah a kia mi khempeuh kizan gawp ding a, mi khatpeuh tungah tua suang a kiat leh zong dengzan gawp ding hi,” a ci hi.

Tedim Bible Revision 2017

⁴⁴ Hih suang tungah a kia mi khempeuh kizan gawp dinga, mi khatpeuh tungah tua suang a kiat leh zong deng zan gawp ding hi,” a ci hi.

Mattiu 21:44 Iomraidhean Croise

Late 2:9

Sik tawn khat tawh amaute na satkham ding a, beelseek pa in beel a denkhap bangin leilakah amaute na dengzan ding hi,” hong ci hi.

Isaiah 28:13

Tua ahih ciangin Topa in note tungah, mal khat khit mal khat, gual khat khit gual khat, thu khat khit thu khat, cih bangin hong hilh ding ahi hi. Tua ciangin na kalsuanna khempeuh uhah na puk ding uh a, note liamin, thangah awkin, salin hong kipaipih ding hi.

Isaiah 60:12

Bang hang hiam cih leh nangma na hong sem lo minam le kumpi gam beimang ding a, tua minamte kisia-maimang ding hi.

Zekhariah 12:3

Tua hun hong tun ciangin suangtumpi gik mahmah bangin Jerusalem khuapi ka bawl ding a, likkhiat a sawm minam khat peuhpeuh in liamlawh ding hi. Leitung minamdang khempeuh kipawlin Jerusalem a sim ding uh hi.

Mattiu 21:43

Tua ahih ciangin note kiangah kong genin-ah: Note pen Pasian hong ki-uksak nawn lo ding a, a kilawmin a gamta ding mite bek Pasian in uk ding hi.

Mattiu 21:45

Siampi liante le Farisi mite in hih thugentehna a zak uh ciangin amaute a cihnopna-in a gen ahihlam a phawk uh hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

Mattiu 27:25

Tua ciangin mi khempeuh in, “Hih mipa’ sihna hangin gimthuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Luka 2:34

Tua ciangin Simeon in amaute thupha a piak khit ciangin naungek’ nu Mary kiangah, “Hih naungek pen, Israel mite sungah mi tampi in siatna a ngah nading, le mi tampi in hotkhiatna a ngah nading ahi hi. Mi tampi in hih naungek nial ding uh a,

Luka 20:18

Tua suang tungah a kia mi khempeuh kizangawp ding a, mi khatpeuh tungah tua suang a kiat leh zong dengvuigawp ding hi,” a ci hi.

Johan 19:11

Jesuh in, “Pasian in nang tungah hong pia lo hileh kei tungah thu na nei het kei ding hi. Tua ahih manin nangma khut sungah kei hong apte’ mawhna lianzaw hi,” ci-in a dawng hi.

ROM (Romans) 9:33

Lai Siangtho in, “En un, keimah in Zion-ah mite a muktuk theih nading, mite a puktheih nading suang khat ka koih hi. Ahi zongin amah a muang mite khempeuh tavai cih om ngei lo ding hi,” ci hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amau’ mawhnasate a behlap niloh a suak uh hi. Ahi zongin a tawpna-ah Pasian’ hehna amaute tungah a tungta hi.

1 PETER MASA 2:8

a cihna leh, “Hih suang pen mite’ hoina suak ding a, hih suangpi pen a pukna uh suak ding hi,” a cihna bang hi ding hi. Amaute in lungdamna thu um lo uh ahih manin a puk uh ahi hi. Pasian in a tuaci ding mahin a deih ahi hi.